[النمر1012]

الشعر كاين حي ينبض وريده
فيض المشاعر بين حزن وسعاده
أصدق شعور يقال روح القصيده
وألا التصنّع بين مدح ونقاده
وأنا أكتبه بإحساس ماني عميده
لكنّ لي بصمات فن الإجاده
أحيان يكتبني بلحظه سعيده
وأحيان بحر أحزان ينزف مداده
غفلٍ توارد للعدود الجديده
يرسم ملامحها نهاية حصاده
وأنا سرقت الوقت لأجل الفريده
اللي تقول القلب عندك وداده
صفرا بنات الريح تسوى بديده
والليل الأسود مقتفيها سواده
في شوفها نشوة حلومٍ عتيده
والقلب ماخذها شرابه وزاده
ايه أقبلي بالعمر باقي شريده
يسعد صباحك يا صباح الرياده
هيا نعيد الفجر هيا نعيده
يقتل ظلام الليل سيف الإراده
إخذي بقايا إنسان روحه فقيده
متعلقٍ في خيط صبر وجلاده
إنسان والإنسان حظه رصيده
بين النهوض وبين كبوة جواده
بين الأماني والظروف العنيده
(العمر ينقص والليالي زياده)
ياما خذتني للنجوم البعيده
وياما لقيت الحلم وسط الرماده
ودام الأمل موجود مثل الطريده
أطلق اسبوق الطير ناظر هداده
وهيا نعيد الفجر هيا نعيده
يقتل ظلام الليل سيف الإراده
ماراق اللي من قصيد

الموضوع الأصلي: وهيا نعيد الفجر هيا نعيده يقتل ظلام الليل سيف الإراده | | الكاتب: النمر1012 | | المصدر: شبكة بني عبس

[بندر الشويلع]

صح لسآن شآعرهآ
وتسسسسلم على النقل المميز
ولاهنت

[النمر1012]

صح بدنك واللع يسلمك وعافيك ومشكور على المرور

[سحايب]

صح الســـــان شاعرها
وسلمت يمناك على هالنقل
وحياك الله بعد غيابك

[احمد منيف]

إنسان والإنسان حظه رصيده بين النهوض وبين كبوة جواده بين الأماني والظروف العنيده (العمر ينقص والليالي زياده)

صح لله لسـان شاعرها

{ ذكرتني بقصيدة الخلاوي اللي يقول }

نعد الليالي والليالي تعدنا ،‘ العمر ينفي والليالي بزايد

[النمر1012]

صح بدنكم والله يسلمكم ومشكورين على المرورررررررررررررررر