[فضي البراك]

يومها بين ايديني والغلا عادي
ويوم قفت تفجر حبها فيني

كنها حطت التوقيت بفؤادي
لامشت حبها يفجر شرايني

قبل تقفي وانا متماسك وهادي
وعقبها ضاق كل الكون في عيني

غلطتي كنت متراهي ومتمادي
كنت احسب الزمن والوقت يمديني

واثر من لا تغانم فرصته غادي
اه يا فرصتن ضاعت من سنيني

توني في غلاها قلت يا هادي
روحت لعنبو من لامها فيني

ما نفع طويل الوقت وعنادي
يومها مقبله ما كان يعنيني

بس راحت وكني فاقد ابلادي
اثر ما ارخص من الي تطوله ايديني

يا وجودي عليها وجد بن هادي
وجد لا وجد فراق ولا ديني

غلطتي وارتكبها بثورت ازنادي
يوم جر العزاوي راحت ايميني

والله اني عليها حدني حادي
من يرد المواصل بينها وبيني

علموها تجي وترجع ارقادي
كل ماجيت ابنسى وش ينسيني

علموها الغلا ما عاد هو عادي
مشكله هالولع عقب الثلاثيني

جازت لي

الموضوع الأصلي: مشكله هالولع عقب الثلاثيني | | الكاتب: فضي البراك | | المصدر: شبكة بني عبس

[احمد منيف]

علموها تجي وترجع ارقادي كل ماجيت ابنسى وش ينسيني علموها الغلا ما عاد هو عادي مشكله هالولع عقب الثلاثيني

الله يعطيك العافيه اخوي قطه مميز وجممممميل :)

[صقـــر الشرقيه]

ياسلااام عليك أختياراتك ذوق

وذكرتني بالبيت اللي يقول

لا صفاء لك زمااانك عل ياضامي +++ أشرب قبل لايحوس الطين صافيها

لاتحرمنا أختياراتك لاني أثق بذوقك

دمت كما تريد

صقــــر

[بندر الشويلع]

ابيات من قمة الروعه
وشكراً

[فضي البراك]

اقتباس من مشاركة احمد منيف الرشيدي الله يعطيك العافيه اخوي قطه مميز وجممممميل :)

تسلم

الله يعطيك العافية

[ناصر الرشيدي]

اقول الله يسلط على ذوقك
انه ما يحرك شعوري الا هو

ياخي قل لذوقك بشويش على ابو سيف ~_~

[سحايب]

واثر من لا تغانم فرصته غادي
اه يا فرصتن ضاعت من سنيني

صح الســـــــان شاعرها
وسلمت يمناك على هالاختيار
قصيدة راقت لي بماتحمل من معاني
جميله

[رسام الغروب]

صح السانك ولي حسن اختيارك الرائع لاهنت