[سحايب]

	قصيده اعجبتني وحبيت انقلها لكم اقرا على وجهك علامات الاعجاب واستوعبك وافهم شعورك و اهابه و اشوف في عينك كذا شوق غلاب احسـاس صادق فيه ذوق و ذرابه الناس من حولك ترا صاروا احزاب حزب الهبال و حزب فاقد صوابه يرجون وصلك و انت لا منت تنعاب الحسن غيث وانت اصل السحابه في وجنتك شفت الخجل كنه اسراب ترحل على الوجنه و ترسم غرابه كل البشر عاشت معا حسنك اعجاب و قلبي الوحـيد الـي يشوفك عذابه قبلك خفوقي من الحزن سكر الباب وش غير انا وجرحي غدينا نتشابه وادري غلاي بداخلك ساكن و ذاب عمري السؤال و خافقي لك اجابه بتشوف قلبي لا غدى العشق ينساب قلبي واعرفه لا بغى الصعب جابه اكثر جروحي من خيانة الاصحاب ماحدن نشد عن خافقي وش جرابه يا حظ شاب الراس ما جيتك عتاب و الي بمثل عمري سعى في شبابه راحت حياتي عشتها عيشة اغراب وعمري السؤال الي طلبتي جوابه اشوف نظرة عينك تسوق الاعجاب ما ساق لك حزني حضوع ومهابه جيتي عقب عمر العنا عشق غلاب قلبي واعرفه لا بغى الصعب جابه

الموضوع الأصلي: اقرا على وجهك علامات الاعجاب//واستوعبك وافهم شعورك و اهابه | | الكاتب: سحايب | | المصدر: شبكة بني عبس

[بدوي متطور]

كل بيت احلى من الثاني صح لسانك ولسان قايلها

[احمد منيف]

اكثر جروحي من خيانة الاصحاب ماحدن نشد عن خافقي وش جرابه

الله يعطيج العافيه اختي { دمعـــه } ع النقل اللي دائم تمتعينا فيه

[ناصر الرشيدي]

ماحدن نشد عن خافقي وش جرابه
..............يا حظ شاب الراس ما جيتك عتاب

صح ذوقك وسلم اختيارك

وصح لسان شاعرها

.

[ابكيلك تشكيلي]

صح لسان شاعرها

تقبلى مرورى

[سحايب]

اقتباس من مشاركة ساحر العرب كل بيت احلى من الثاني صح لسانك ولسان قايلها

صح بدنك ومشكورعلى مرورك العطر لاهنت

[سحايب]

اقتباس من مشاركة احمد منيف الرشيدي الله يعطيج العافيه اختي { دمعـــه } ع النقل اللي دائم تمتعينا فيه

يعافيك ربي اسعدني مرورك متصفحي
لك خالص شكري..

[سحايب]

اقتباس من مشاركة ناصر الرشيدي ماحدن نشد عن خافقي وش جرابه ..............يا حظ شاب الراس ما جيتك عتاب صح ذوقك وسلم اختيارك وصح لسان شاعرها .

صح بدنك ناصر مشكورعلى المرورالعطر
لاهنت لك ودي..