[مرزوق العجوني]

يا مركبي لو ضايقـك دف الأمـواج
..........أثبت .. / على متنك حمـول الأمانـي



الموج لو صوتـه .. مريـع ٍ ولجّـاج
..........خل الصدى منك ../ الصبر والتفانـي



شوف الفنار هنـاك .. بالنـور وهّـاج
..........رح له .. وتأخذ مـن تعبـك الموانـي



اليابسه .. زحمة بشر .. هـم وأزعـاج
..........أخير من صمـت البحـر فـي ثوانـي



صامت .. والامن هاج .. كل ٍ معه هاج
..........فيه التناقض ../ حي فـي قلـب فانـي



رح للمواني .. مابها عيـب وأحـراج
..........وإذا أسالوك الناس .. قل : ذا مكانـي



أبيك تنجي .. يوم أنـا حيـل محتـاج
........معـاك عمـري وأمنياتـي وأمـانـي



يا مركبي سافر علـى متـن الأمـواج
..........خل العواصـف مـع بعضهـا تعانـي


مطلق الجعباء

الموضوع الأصلي: يا مركبي لو ضايقـك دف الأمواج ،أثبت على متنك حمـول الأمانـي! | | الكاتب: مرزوق العجوني | | المصدر: شبكة بني عبس

[سحايب]

الله عليك يامرزوق قصيده راائعه
سلمت يمناك على هالنقل المتميز
صح الســان شاعرها
ولاهنت راقت لي وستمتعت بمفرداتها
ننتظرجديد حسك

[عز و مهابه]

اشكرررك اخى على هذا الذوق الرفيع

لاتحرمنااا جديدك

دمت فى حفظ الرحمن

[مرزوق العجوني]

اقتباس من مشاركة دمعه الله عليك يامرزوق قصيده راائعه سلمت يمناك على هالنقل المتميز صح الســان شاعرها ولاهنت راقت لي وستمتعت بمفرداتها ننتظرجديد حسك

كل الشكر على مرورك العذب ولا هتي وتقبلي ودي

[مرزوق العجوني]

اقتباس من مشاركة عز و مهابه اشكرررك اخى على هذا الذوق الرفيع لاتحرمنااا جديدك دمت فى حفظ الرحمن

وكل الشكر على مرورك العذب ولا هنت وتقبل تقديري