[عبدالرحمن هليل]

إنت الغلا كل الغلا لك وهبته





وإنت الأنيس بوحدتي كيف ما أغليك

وإنت اللذي ياعسعس الليـل جبتـه




أشكيلك أوجاع الزمـن هـم وابكيـك

وإنت اللذي لإحساس فكـري سلبتـه
وشلون تسأل عن وجودك وانا أشكيك





ياما على الذكـرى دموعـي سكبتـه
يامن طرتلي ضحكتك يـوم احاكيـك


هايم مع الطـاري وطيفـك نصبتـه
قدام عينـي واتبعـك فـي مساريـك





وياما سـرى بالليـل حي(ن)نهبتـه
ياسجًـت أفكـاره لروضـة مفاليـك


عنـي بعيـد وبالمحـانـي جلبـتـه
لو غبت جرح القلب يصرخ يناديـك



كاس الهوى بأروع مذاق(ن)شربتـه
وكاس الوفاء منـي هديـه لطاريـك


لولا ألغـلا شـف للشعـر ماكتبتـه
يبوح لك احسـاس قلبـي ويهديـك


هذي خفايـا مـن شعـوره نهبتـه
وهذا الجواب اللي مع الوقت يرضيك

الموضوع الأصلي: هذا الجواب | | الكاتب: عبدالرحمن هليل | | المصدر: شبكة بني عبس

[سحايب]

صح الســـــــــــان شاعرها
وصح ذوقك واختيارك
قصيده جميله

[نبرة حزن]

صح لسان شاعرهاا قصيده رائعه يسللمو

[عاشق الريم]

مشكوووووور والله يعطيك الف عافيه

[سموالأميرة]

يعطيكـ الله العافيه صح الله لسان شاعرها يسلمك الله قصيده رائعه بلا شهادة منا

[عبدالرحمن هليل]

يسلمكم ربي واشكركم