[فضي البراك]

من أجمل قصائد المدح وفي رمز يستاهل المدح

أنا فكر قبل الشعر ياشاعر السلطان
وشعري صعوط مّجنّن الشعر ياريّب

تحاول بي أهل المال في ذكرهم بالدان
واجنّبهم ويلعب على قلبي حبيّب

تركت لكم شيوخ السوالف على مجّان
ولابان سيف الدوله ابشر با ابا الطيّب

مدحت الكرم سلطان و محمد الشيخان
وباقي قصيدي يعتق أرقاب ويشيّب

جذبني لرجلٍ سيرته واهج وضيّان
منار البعيد وضفّ ٍ ونور لقريّب

من يحاول يغطي لهبها و أيّ ٍ كان
وسمته شباب و عاد فالميسم شويّب

اشوش أبه وأله وعنه و امشّط القيفان
ألين افرق الشعّار واعلّق الخيّب

عسى الشعر لا عدّاك يا(شالع البيبان)
مايمدح على وجه البسيطه ولا طيّب

(محمد مفرّج المسيلم) حجا الضيفان
سنايد عزيزاً ذل في وقتنا العيّب

يهومون ناس الطيب و إن جيت يالطوفان
لقيت ازحل فحول العرب منك متهيّب

تصادم شيوخ بجاهك وتقلب الميزان
تليداً (بعطفا) عاصي وكفه السيّب

تزاوج بيوتي في مديحك مع الاذهان
وفي غيرك تعنّس ولا راجت تثيّب

يا امير الرشيدي كل ماجال فالميدان
حذف راس ذيب وفرّ من قدمه ذويّب

ابشرك حالي طيّب ولا عليّ نقصان
مدام أنت حي ،،، تدسّم أشناب و تطيّب

حضرت بمقامك فارق وشاعرك ديوان
ولا غاب طيّب طيّب الفعل ما غيّب

عليك السلام شمام و اللول و المرجان
كثر ما انت طيّب أو كثر جودك الصيّب

للشاعر القدير / محمد المويزري

الموضوع الأصلي: يهومون ناس الطيب و إن جيت يالطوفان | | الكاتب: فضي البراك | | المصدر: شبكة بني عبس

[رسام الغروب]

صح السانك على القصيدة الرائعه لاهنت

[سحايب]

صح الســــــــــان شاعرها
وسلمت يمناك على ماخترت
قصيده جزله تستاهل الاشاده

[صقـــر الشرقيه]

جزله وتدل على ذائقتك الجزله
الف شكر اخوي فضي البراك

[ناصر الرشيدي]

صح لسان الرائع محمد المويزري

ويستاهل شالع بابه المدح والذكر الطيب

وسلمت على النقل الرائع

[مُخاطِرْ]

يعطيكـ الف عافيهـ

[مرزوق العجوني]

صح لسااااان ابو حسين ويستاااهل ابن مسيلم ولا هنت يالامير على نقلها لنا

[مرآهيش]

يستآهل المدح والطيب شآلع بآبه

وصح لسآن شآعر المليون

انتقآء رآئع