[مجرد اسم]

[quote=قسورة الغاب;2012900]

مرحبا بالي شعم ناره براس القمه = ابرك الساعات جابت صاحبي طنطاوي
انت يالمفتي علوومك للرجال مهمه = مير انا اضنك شحيح المد يالعرباوي هههه

[quote=طنطاوي;2012917]

البقا والعلم ضمه مير كيف تظمه == قبل لا تسرح وترجع في محلك ضاوي
لا تدرج فالعلوم اللي بليا ذمه == قبل اقول انك بما قلته وريث وحاوي

[quote=قسورة الغاب;2012948]


قالوو العربان كلن سارحن في همه = وانت صووت الذيب في قاصي ظلووعك عاوي
حطني عن كاهلك والعلم الاول دمه = بس جبلي علم يثبتلي كلام الراوي

[quote=طنطاوي;2012977]

من يدم البير ما نلقا لبيره جمه == وانت ما تاوي وقل المعرفه ما ياوي

اسمع علومي وراقبني وعفشك لمه == ان قنب ذيب الغداري وش يقول الشاوي

[COLOR=#560000][quote=قسورة الغاب;2012995[/COLOR]
دام لك بشتن حساوين طويلن كمه = كيف تلبس وانت فاهم مشلحن برقاوي ههههه
العزيب اوروودها من كل صوووب ويمه = وكل جمالن ورد هداج ماهوو غاوي

[quote=طنطاوي;2013016]

يا كسير الرجل والريحان كيف تشمه == يوم تجنح فالطريق ومنته بمتساوي

مات عرقن دخلوبه دم ماهو دمه == وانت ما تحسب براسك والفؤاد مهاوي

[COLOR=#560000][quote=قسورة الغاب;2013028[/COLOR]

ماهقيت انك ياطنطاوي تجيب مطمه = يامجرد اسم دور عذر اخووك الهواي ههههه
قلت لك راسي جبل وانت انتبه لاتزمه = لين تنبت ريشتك كانك براسه ناوي

[quote=طنطاوي;2013045]

صرت في يمه وصار القسوره في يمه == وش يجيب المالكي في حلة الزرقاوي

كان طاح الرمش من عينك تطيح العمه == ما التوينا وانت يلويك الظمير اللاوي

رابط المحاورهhttp://bani-3abs.net/aa/showthread.php?t=94649

الموضوع الأصلي: محاوره (( للنقد البناء )) بين المفتي طنطاوي و الشاعر قسوره الغاب لمده شهر | | الكاتب: مجرد اسم | | المصدر: شبكة بني عبس

[مجرد اسم]

يا قسوره وراك شلت حرف الواو ؟؟؟

انا كاتب حرف الواو وانت مسحت ليش ؟؟

[بن قنور]

الموضوع مكرر

انا منسقها قبلك في قسم التنسيق وش جابها في قسم ماهو قسمها؟
ولا على شان طرفها المشرف القسورة ؟؟

طيب والشعار الباقين مالهم من مجهودهم شي في قسم المحاورة؟؟

[مجرد اسم]

ايوه كذا مضبووط يا قسوره ومشكووور وماقصرت يا شنب

[عنتر زمانه]

محاوره لا ترتقى للمتلقي مع أحترامي لشاعريها

و80 % سلبي

وأخص طنطاوي بالفعل جاب مطمه وخطاء قد يتجاوزه الذي لا يتجاوز التسع سنوات فكان في نظره جواز هذا البيت ولكن أقول له عد القراءه وتجد ما إشرت اليه ..

فالاخطاء واضحه مثل عين الشمس وأن لم يعترف طنطاوي وأضطر الامر سوف أسطرها هنا

تريونا والاختلاف لا يفسد للود قضيه

[ناصر خنيفر]

ارجو عدم اعطا هذه المحاوره اكبر من حجمها المحاوره من تحليلي منسق لها من قبل وطنطاوي وقسورة الغاب يعرفون بعضهم معرفه تامه وكل واحد يلمع لثاني حنا ماحنا جهال تمشون محاوراتكم المتفقين عليها علينا الشاعر يدخل الموقع ويبداء بطاروق ويرد عليه شاعر لايعرف طاروقه سوى بالموقع اما الاتفاقيات والمهازل مانرضا فيها

[عنتر زمانه]

اقتباس من مشاركة ناصر خنيفر ارجو عدم اعطا هذه المحاوره اكبر من حجمها المحاوره من تحليلي منسق لها من قبل وطنطاوي وقسورة الغاب يعرفون بعضهم معرفه تامه وكل واحد يلمع لثاني حنا ماحنا جهال تمشون محاوراتكم المتفقين عليها علينا الشاعر يدخل الموقع ويبداء بطاروق ويرد عليه شاعر لايعرف طاروقه سوى بالموقع اما الاتفاقيات والمهازل مانرضا فيها

يا بو تركي عين خير

وهذه محاوره مثلها مثل غيرها وطرحت من قبل عضو بعد ما أستأذن من شاعريها لنقد ووافقاه فلما كل هذا الكلام يا سعادة العمده ..

وسع صدرك رعاك الله أنت قدوه لنا هنا والله ما أعرفم ولكن لا أنكر جمايلك ومجهوداتك المتعدده ..

تراني محايد فالامور الجديه ولا أنظر لما هي أحزاب يا سيدي



وأتمنى أن لا يجرفك ردي بعاليه ربما ليّ أهداف أخرى ولك تقديري

[ابو صووط]

اقتباس من مشاركة عنتر زمانه محاوره لا ترتقى للمتلقي مع أحترامي لشاعريها و80 % سلبي وأخص طنطاوي بالفعل جاب مطمه وخطاء قد يتجاوزه الذي لا يتجاوز التسع سنوات فكان في نظره جواز هذا البيت ولكن أقول له عد القراءه وتجد ما إشرت اليه .. فالاخطاء واضحه مثل عين الشمس وأن لم يعترف طنطاوي وأضطر الامر سوف أسطرها هنا تريونا والاختلاف لا يفسد للود قضيه

انا تفق مع عنتر زمانه في وجهة النظر عن المحاوره وانا لست مفتي او محلل ولكن اتمنا ان طنطاوي يتتبع محاورته مع القسورة
ويعترف با الاخطاء ويطلع عيوبه للناس مثل مايطلع عيوب الناس

بحكمة انه شاعر ومحلل وناقد مثل ماهو يدعي نسمع رايه