[سحايب]

يا خالد الشاعر لك اليوم تقرير
بلسان شاعر كل منبر يديره

شاعر فحل صنديد زيزيوم ويغيير
ويوسّم اللي ماله اليوم غيره

منهو زعل بقول له خير ياطير
ومنهو سكت بقول له ألف خيره

السر أول يندفن دآخل البير
واليوم سر الناس في كل ديره

ولد الحلال بجنب سيد الغنادير
دلوعةٍ بلها وباقي صغيره

أسيل يا خالد أذا منت ببصير
شوف الرجال عيونهم لك بصيره

منت بفحلها والفحل واردٍ خير
ولا انت خلّك ثور وسط الحضيره

هذا كلام الصدق من غير تفسير
ومنهو بغا التفسير يبشر بثيره

في شاشة التلفاز عرض التصاوير
ضم وشفايف مع علومٍ مثيره

والأمعه يضحك ولا كن به طير
يطلع ويكفخ كل ما شاف طيره

يا خالد اسمع .. حط بيدك مناكير
وأشرب مع اللي ما يحسون بيره

لن الرجوله مبعده عنك يا صغير
ما حاكتك سود الليال المريره

ياقاف لا تبخل وهل التفاكير
هذي رساله والأمر بستديره

في هالزمن مابه رجالٍ مناعير
والعز رايح لا والله يجيره

صار الرجل ينقاد قود المصاغير
يمشي ولا يعرف نهاية مصيره

ماهو رجل ..منظر على قولة سبير
وقف .. تعال .. أجلس وملعون صيره

شي اشوفه عكس ومخالف السير
عينٍ بصيره لا وإيدٍ قصيره

مره أشوف الشين ماله تفاسير
ومره تحس الرجْل جمر وسعيره

ماعاد به غيره وراس بزعاطير
به أمّعه واللي تديره مديره

أقولها والصوت صوتٍ به إزْئير
روّح زمان أهل السيوف الشطيره

من هول ما شفته اشوف التعازير
عادي يجي هذا بجانب سميره

وعادي يسبب لبسها لك جماهير
عصر التفتح والعلوم الحقيره

صار ت علوم المرجله بالزمن غير
لا لا تغار وعكّس السير سيره

لا لا تغار ودمّر الستر تدمير
ياخي تفتح .. أسمع اللي بثير ه

حنا بزمن أفتح بفتح الأزارير
عصر التخلف وش تبي تستثيره

خلك طبيعي وأستبيح المعاذير
نضف دماغك لا ولا تستشيره

أكثر وسايل هالثقه جات توفير
دام إن علوم المهزله مستنيره

واللي زعل بقول له خير ياطير
ومنهو سكت بقول له ألف خيره

مماراااااااااااق لي

الموضوع الأصلي: قصيدة للشاعر جارالله آلشدي يهدي أسيل عمرآن وخآلد قصيدة لاذعـﮧْ ! | | الكاتب: سحايب | | المصدر: شبكة بني عبس

[الاجهر]

دمعه - لاهنتي على الاختيار المميز - وصح السان الشاعر

[أحمَـد الرشيدي]

انششهد انه شاعر كفو

وكلآمه عين الصصوآب .. هاللي اسمه خآلد ماعنده غيرخ أبد !

أفشل برنآمج تقدمـه الـ إم بي سي

إختيار مووفق

[رسام الغروب]

صح السانك دمعه والسان الشاعر
مشكوووووور والله يعطيك الف عافيه

[سحايب]

اخوي الاجهر,احمد,رسام يعطيكم العافيه
على مروراقلامكم متصفحي اسعدني تواجدكم
لاهنتم جميع لكم ودي

[النمر1012]

صح اللسان شاعرها تسلم يمين ناقلها
الروعه وحكمه الطرح

صار ت علوم المرجله بالزمن غير
لا لا تغار وعكّس السير سيره

لا لا تغار ودمّر الستر تدمير
ياخي تفتح .. أسمع اللي بثير ه

[¤ نـبـ الـخـفـوق ـض ¤]

دمعه

تسلم الايادي على الاختياار الرووعه

[سحايب]

اخوي النمر,اختي نبض صحة ابدانكم
ومشكورين على مروركم