[سحايب]

	كل ما جيت أزرع الطيب وسوي جميـل الجميلـه تالـي الوقـت قلـّو ناسـهـا الجميله مابقى مـن عربهـا إلا القليـل مابقـى إلا عالـمٍ كاثـرٍ وسواسـهـا والجميله ماتناسب مع النـذ ل البخيـل لوبغاها ماعـرف ذيلهـا مـن راسهـا راح جيل المعرفه وابتدا جيـل المـُديـل وابتلشـت بعالـمٍ ماعرفـت اجناسهـا تختلف الاجيال ويصير جيلٍ بعد جيـل والاوادم يختلـف فعلـهـا وأقواسـهـا لوبغيت تعـدل النـاس شـيٍ مستحيـل فرقهـا بافعالهـا مايـجـي بلباسـهـا لا تحط ضعيف النفس بالطرقـه زميـل دوّر اللـي لا تكبـّر خطرهـا داسـهـا والضعيّف جنبه ما معـه حيلـه وحيـل رافق اللي قد سبح في البحور وقاسهـا واشهد إنّ ضعيف النفس ما يصلح عميل والضعافه عند ناسٍ ضعيـف إحساسهـا ما أبغي النفس الضعيفه ولا الرجل الذليل كـل ماجينـا نسـوي جميلـه حاسهـا أفتخـر فـي عاقـلٍ ما يعيـل ولا يميـل خطته لا مـن رسمهـا يعـرف قياسهـا يحتمل طول المسافات والخـط الطويـل لا تعكـر جـو نفسـك يزيـل عماسهـا الحكيم اللي على المعرفـه رايـه دليـل مـن رجـالٍ بالمواقـف قـويٍ باسهـا أشهد ان الظلم والخوف والحال الهزيـل حاجةٍ تثر على النفـس فـي مجلاسهـا واشهد ان الصبر زينٍ ولـه وزنٍ ثقيـل مزبنٍ للنفـس لا مـن كِثـر هوجاسهـا ليت بعض الناس حرفٍ نزيله بالمزيـل من حروف تنمسح لا انمسح قرطاسهـا ما تصير الحنظلة مثل شكـل الزنجبيـل لـو تغيـّر شكلهـا ماتغيـر ساسـهـا الشاعر / مبارك بن فايز البخيـِّت المحمدي السبيعي..

الموضوع الأصلي: كل ما جيت أزرع الطيب وسوي جميـل///الجميله تالي الوقت قلـّو ناسـهـا | | الكاتب: سحايب | | المصدر: شبكة بني عبس

[عبدالله معزي]

صح لسان الشاعر
تحياتي

[أحمَـد الرشيدي]

أنشششهد إنـه صآآدق

كلامه في الصميم

لاهنت

[رسام الغروب]

صح السانك ولسان الشاعر

مشكوووووور والله يعطيك الف عافيه

[ميلاس]

‎
صح لسسآنك ..
يعطيك العآفيه ع النقل ..
‏ ‏

[سحايب]

صحة ابدانكم جميع ولاهنتم على مروراقلامكم
اسعدني تواجدكم بمتصفحي لكم خالص شكري وودي

[¤ نـبـ الـخـفـوق ـض ¤]

دمعه

ابدعتي بجمال اختيارك

[مرآهيش]

الله عليك يآدمعة

قصيدة حيكت بمآء الذهب