[مداروفلك]

يا وجد حالي وجـود اللـي يتـلّ أمـه
و يقـول لا تتركيـن وليـدك الغـالـي
ما يـدري ان الليالـي جـات بمطمـه
أمـه توفـت و لا والـي و لا تـالـي
ماتت من الجـوع و هـو فاتـح فمـه
جور و مجاعـه و طاعـون و سلاّلـي
الله على الساعـة اللـي فـورت دمـه
و الله على الصورة اللي ضيّقـت بالـي
مـن شافهـا بيتذكـر حالـة الامّــه
و بيقول يا وجد وجدي و يا بري حالـي
أحدٍ ياخذ له شهر و الخبـز مـا شمّـه
و أحدٍ طعامه يجيـه الـوان و أشكالـي
أفريقيـا جوعهـا كـم مسلـمٍ سمّـه
و حنا نبذر هـذا فـال و هـذا عقالـي
نسعى ورى المـال و نجمّعـه و نلمّـه
حـلال حـرام مـا نـدري و لا نبالـي
نشري كاسيت (نانسي) و المطرب نضمه
ندعمهم و من ورانـا جمعـوا المالـي
و العاهره اللي الخليج و شعبـه تذمّـه
حنـا وراهـا نجـرّ الصـوت ونلالـي
و نرسل ( sms) و اللي يقصر انتمّـه
علـى قنـاة هدفهـا دمّـر الأجيالـي
موضوع (أبو الهش) فيه الناس مهتمـه
كلـن يصـوت لـه بـدولار و ريالـي
يا ناس يـا نـاس لا غيـره و لا ذمـه
يا مسلمينٍ بالأسماء مـا بـه افعالـي
وشلون من ينحرف نمدحه مـا نذمـه
و شلون ما نفرق الواطي مـن العالـي
لا صـار لا وازع دينـي و لا هـمّـه
لا تأمنـون العـذاب و قـدرة الوالـي
تصدقوا و أنفقوا و العيش فـي القمـه
ما هـو بدايـم إذا وقـت النعـم زالـي
يا الله و أنا طالبك يـا كاشـف الغمـه
تحيي قلوب العبـاد و تصلـح الحالـي

وتقبلو تحياتي,,,,

الموضوع الأصلي: ,,ياوجد حالي وجود اللي يتل امه,, | | الكاتب: مداروفلك | | المصدر: شبكة بني عبس

[سعد محمد]

صح لسانك ولاهنت ...

[سحايب]

صح الســـــــــان شاعرها
وسلمت اناملك على هالرائعه
قصديه تجسد حقيقه مره لواقع امر
الله يعطيك العافيه جديد ذائقتك محل
انتظارمنا

[مرآهيش]

مشكوووووور والله يعطيك الف عافيه

[رسام الغروب]

الله عليك صح السانك
قصيدة حزينه وتعبرها الصورة لاهنت

[مداروفلك]

اقتباس من مشاركة الفجر البعيد صح لسانك ولاهنت ...

الله لايهينك

ومشكور