[ذبحني غروركـ]

البارحه جانـي خبـر بـأول الليـل
قالـوا زواجـه تــم يامنتظـرته
حاولت اكذب كل ما اسمع من القيـل
رحت اتحقق صـار صـدقٍ خبرهـا
ضاقت بي الدنيا وحسيـت بالويـل
وبين الضلوع اوجست جمرٍ جمرهـا
تحـدرت دمعـات عينـي هماليـل
وصرت اتذكر قولهـ فـي سفرهـا
يومه يقول القلب غيرك فـلا يشيـل
غيرك ترى وان حـل داري دمرهـا
قلت ابشر لامال وقتـك ولا يميـل
روحي لجل شرواك يرخص حمرهـا
وفزعتلك في كل مابي مـن الحيـل
خوفي عليـك يعـل نفسـك كدرهـا
خايف عليك تـذوق مـر البهاذيـل
وعينك من الهوجاس يكثر سهرهـا
اثرك سعيد وماضي الحـب تمثيـل
تسلى بمشاعـر هايـمٍ بـك نثرهـا
مغرور تحسب كل مابه مـن الجيـل
انجوم ليـلٍ وانـت معهـا قمرهـا
تضننـي بالصـد بسحـب مواويـل
وابكي واقول الروح عنـده اسرهـا
لكن تأكد قلبـي ابعـد مـن سهيـل
ورادتي تقطـع حبـل مـن هجرهـا
كرامتـي ماتعيـش ساعـه بتذليـل
يحكم على حبه من القلـب ترحيـل
عقـلٍ فهيـم بهالحيـاة وبشـرهـا
ياخذ من الماضـي عبـر للمقابيـل
ويـرد كيـد الكايـده فـي نحرهـا

الموضوع الأصلي: عقـلٍ فهيـم بهالحيـاة وبشـرهـا..ياخذ من الماضـي عبـر للمقابيـل | | الكاتب: ذبحني غروركـ | | المصدر: شبكة بني عبس

[ميلاس]

‎
تسلمين ع النقل المميز . .
‏ ‏

[أمـــير بـكلمتي]

نقل جميل لاهنتي اختي

[رسام الغروب]

صح السانك يحكم على حبه من القلـب ترحيـل
عقـلٍ فهيـم بهالحيـاة وبشـرهـا
ياخذ من الماضـي عبـر للمقابيـل
ويـرد كيـد الكايـده فـي نحرهـا

شكرا على الأختيار الرائع

[ذبحني غروركـ]

الله يسعدكم منورين..~

[مُخاطِرْ]

صــح لسسسان شاعرها وتسلم يمينكـ ع النقل ،،،
.
.

[ذبحني غروركـ]

الله يسعدكم منورين..~

[الاجهر]

صــح لسسسان شاعرها وتسلم يمينكـ ع النقل ،،،