[عايض بن صالح]

ياالله يارب الفق والناس يالفرد الصمد=يلي لك ملوك السما والارض تخضع روسها
اله هذا الكون مالك لاشريك ولا ولد= بالاوله ولاخره سبوحها قدوسها
علام سر المعجزات الي يضيعبها العدد= الي عن بداع العقول يغيب نص دروسها
اطلبك في غيب الليال المقبله عون ومدد= الي تكشر للعباد انيابها وضروسها
دنيا غموض المعتبر فيها منه صبره نفد= والي ماعبرها مع الموضه وعج عروسها
كثر التنافس بالمضاهر واشعل النارالحسد=عالم تباها في مراكبها وكثر فلوسها
ناسن خذتها زينة الايام في عيش رغد=غرتهم الدنيا بسكبتها وزين البوسها
احد(ن)يبا يحل العقد واحد(ن)يبا يعقد العقد=واحد(ن) يحاول في فمه كوع اليدين يبوسها
محد(ن) على النعمه شكر محد(ن)على النعمه حمد=على هواها عالم(ن)تتبع مزاج انفوسها
والي مايشكر خالقه يعيش في هم ونكد= يرقد على كابوسها يصحى على كابوسها
في غفلت(ن) عن هادم اللذه وعن ضيق اللحد= وعن النعش ومفارق الاحباب عقب ونوسها
متجاهل(ن) صعب السوال وناسي(ن)يوم الوعد=ماسجله في ذاكرة باله وفي قاموسها
والي عرف قدر الحياه ونعمة الصحه سجد=للي عليه اضفا ضلاله عن لهيب شموسها
رطب(ن)بذكر الله السانه كل ماقام وقعد= ماغرته زين الحياه ورفرفت طاووسها
يبغا نعيم الاخره من جمعة الدنيا زهد= ماسك على سنة نبيه والكتاب يروسها
لوانها بتلا الزمان مشبهه جمرة وقد= حسب حديث المصطفى موحاه من ناموسها
ياالله من نون صدوق مقدمه برق ورعد=مجهم خياله والمزون مسبلات البوسها
مرخن هماليله من الما لاهدام ولابرد=ساكن هواها مايدف غشونها نسنوسها
متوسق(ن)هاك الحرار من الخطام الياالثمد=ضاف(ن)على كل الديار سهولهاوضروسها
تصبح جميع الاوديه غادلها صوت زبد= حتى النفود الناعمه عقبه تسيل طعوسها
محد(ن) عن دياره رحل محد(ن)عن الماطر نشد=كل الديار الله سقاه ماتجيك عسوسها

الموضوع الأصلي: صعب السوال؟؟؟؟ | | الكاتب: عايض بن صالح | | المصدر: شبكة بني عبس

[سعد الخياري]

شكراً لك اخي الكريم

جزاك الله بالخير

[عابد الرشيدي]

ابو صالح صح السانك

الله يعافيك

[عايض بن صالح]

الاخ سعد صح بدنك وجزاك الله خير الجزاء

[عايض بن صالح]

الاخ عابد المشرف المميز صح بدنك
وشكرا على مرورك
ملاحضه: الرجا من مشرف المنتدا
الاخ ابو عبدالله نقل القصيده من المنتدا الاسلامي
الى منتدا الشعر اذا لم تكن مناسبه في هذا المكان
ولكم جزيل الشكر والاحترام

[مسندالعويمري]

شكراً لك اخي الكريم

جزاك الله بالخير

[عايض بن صالح]

العفو وشكرا على مرورك
وجزاك الله خير

[عطاء الرشيدي]

مشكور وماقصرت والله يعطيك العافيه



اخوك/عطاء الرشيدي