[فضي البراك]

اسعد الله اوقاتكم ..

أخواني أستغليت أنشغال شاعر هالقصيدة ولطشتها منه دون علمه ..

ومن غلاكم وعقاب له حتى مايبطي علينا بعدين أقول أقرأو وأستمتعوا بإحدى روائع المبدع الأخآذ محمد الراشـد:

فمان الله ياحب بغى يقضي على رجال=فمان الله والعاشق عسى الله يغفر ذنوبه
فمان الله يالدمعه .. فمان الله يالغربال=توكل عاشق بالله والتوبة هي التوبه
فمان الله مادامك تكاثر في كيف الحال؟=أنا توي صحيت وكنت تقريبا بغيبوبه
أنا قبل أمس وايقت بخفوقي كنه المنخال=وتجاهلت الغلا في داخله لو .. زاد منسوبه
ولكن هذي الدنيا .. وطبع الأدمي رحال=تعلمه السنين العجف والأقدار مكتوبه
وأنا عندي طلب قدام لأنسى ياهني البال=أبي دعوة بجوف الليل بالتوفيق ودروبه
وأنا لازم أعيش بحب .. قلبي لا تحسبه خال=وترى ماني بليد شعور لا حبيت هالنوبه
أبعلنها بديت أحب تال الوقت بنت رجال=مدام القلب في تالي زمانه حب رعبوبه

شعر : محمد الـراشــد

الموضوع الأصلي: يامحمد الراشد : أنا توي صحيت وكنت تقريبا بغيبوبه | | الكاتب: فضي البراك | | المصدر: شبكة بني عبس

[المميز]

صح اللسان العذب المبدع
أحلى لطشه تسلم يدينك ولطشك الجميل
عليك فيه اذا عندك من الدرر لشاعر محمد الراشد نزل وهو مايدري
بصراحه عنده قصاااائد عذبه وجميله ولكن ماندري كيف لنا ولطشهن
ألف شكر لك أخي فضي البراك على اللطشه الحلوووه لشاعرنا ولاتحرمنا جديد لطشك

[العبسي الغامض]

فضي البراكَ :

لمساتُ أخطافكَ جنتُ على تلكَ الغيبوبه ومحمد الراشدَ أعلنها على تلكَ ـالرعبوبه
قطفتَ لنا ورده منُ جنائنُ " محمد الراشد " وقذفتها لنا هناء لكٍ نراهـا
جمالياتَ أحرف وروعةَ تصور وخيالَ واسع يذهب العقل الى التصوير والتدبير في تلكَ
الحال " كيف الحال "


لكم النقاء ولهم البقاء

[عيد الداموك]

فمان الله مادامك تكاثر فـي كيـف الحـال
أنا توي صحيـت وكنـت تقريبـا بغيبوبـه
ولكن هذي الدنيا .. وطبع الأدمـي رحـال
تعلمه السنيـن العجـف والأقـدار مكتوبـه
أبعلنها بديت أحب تال الوقت بنـت رجـال
مدام القلب في تالي زمانـه حـب رعبوبـه



صح اللسان الشاعر / محمد الراشد
وتسلم يــ فضي البراك

[(ابوعواض)]

صح اللسان الشاعر / محمد الراشد
وتسلم يــ فضي البراك

[هيون]

صح اللسان الشاعر / محمد الراشد
وتسلم يــ فضي البراك

[أثير الشوق]

قصيده جميله لشاعر دائما راقي بكل مايقدم ..صح لسان الشاعر محمد الراشد
ونتمنى له دوام الصحه والعافيه
وموفق باذن الله في حله وترحاله...
شكرا فضي البراك على النقل المميز ...
لطشه في منتهى الروعه ..وكثر منها

[غريق الأمواج]

صح ابداع الشاعر

ويمال العافيه على نقل القصيده