[شاعر الشمل]

هذي مشاركتي بالمسابقة وهي تعبر عن روحها

ياصاحبي صمتي طبيعه وعاده=مااخفيك..صمتي فرجة الدرب لاضاق

فيه اتمادا واتطاول زياده=وهو الوحيد اللي ليا طال ماباق

دوني فتح جبهة حروب الاباده=حمّل غريمي دون روحي مالاطاق

ارخى الرقاب وحط فيها قلاده=وارسل رساله نصها(حسن الاخلاق)

كل(ن) يترجمها بحسب اعتقاده=واليا اخلصو شقو من الغيض الاوراق

ماحد(ن) لحق غاية هواه ومراده=والصبر محرقهم على صمتي احراق

فالصمت عن بعض السوالف عباده=لكثر هرج مقطعة ميخر الساق

وان كان ودك في دليل وشهاده=راقب حوال مبعثر اسرار الاعماق

تلقى براح(ن) مايتعشّا جراده=وتشوف بعيونك قليلين الاوفاق

اللي هم اسباب الشقا والقراده=لحوالهم وألا اكثر الناس ماانساق

يفهم ولاتاطا الخباره جواده=لو حرك الغربي زماليق الاشواق

شرواك ياطير(ن) ينومس هداده=لاشالو البرقع ولافيك مسباق

لاتصير في خاطرك نقطة سواده=خل الفقارا اتضيع في وسط الاسواق

ماهي حكاية من يعاديك عاده=حنا بوقت امسايرة لطف الاذواق

اصبر على حر الزمان وبراده=واقطف ثمر ميلوق وياك..مالاق

شاعر الشمل

الموضوع الأصلي: مشاركة شاعر الشمل بالمسابقة | | الكاتب: شاعر الشمل | | المصدر: شبكة بني عبس

[ميلاس]

‏ صــح لسآـآنكـ وبـالتـوفيق ‏. .

[شاعر الشمل]

الاقتباس غير متاح حاليا
صح بدنج ميلاس
شكرا على المرور والتعليق

[كاتب الرشيدي]

صح لسانك ياشاعر الشمل

سعدنا بهذه المشاركة
الجزله من شاعر جزل

ماحد(ن) لحق غاية هـواه ومـراده

والصبر محرقهم على صمتي احراق

فالصمت عن بعض السوالف عبـاده

لكثر هرج مقطعـة ميخـر السـاق

بيض الله وجهك

ونتمنى لك التوفيق

[بدوي متطور]

الله عليك ياشاعر الشمل مبدع نظم ومحاوره
قصيده راقت لي تشكر عليها

[شاعر الشمل]

الاقتباس غير متاح حاليا
الله لايهينك على مرورك ياكاتب

[عنتر زمانه]

الشاعر القدير شاعر الشمل

بكل جداره أنه أسم على مسمى وبلا منازع ..

حاولت اغتيال الغموض لكنها خانتني

القصيده مكثفه في صورها وتحتاج لقراءتين

قراءه للاستمتاع وقراءه أخرى كي نلمس معانيه وجمالياتها

الف شكر لهذا البوح والنصح والارشاد

[كنترول القاف]

شاعر الشمل

والله اني مالومك مالك الا الصبر وش وداك له ..؟


صح السانك واعتلا شانك


وعسى اللي يفهم يفهم واللي مادرى مايدري يا شاعر الشمل