[موسى الصامل]

السلام عليكم ورحمة الله وبركاته
يسعدني ويشرفني ان اكون احد المتسابقين الكرام
في هذه المسابقه التنافسيه
واليكم المشاركه

نثرت ما جادت بها روس الاقلام
من شان ما يخفى عليكم يبيني
.

الصمت مزعجني على مر الاعوام
اسمع ضجيجه بين حلمي وبيني
.

مره ينسيني ملامات لوّام
ومره يذكرني عتب لايميني
.

والنوم له مده يجيني بالارغام
والناس كلها في شهر حاسديني
.

والنحس في عز الشقى صار مقدام
من غير ذنب ولا خطا مبتليني
.

مره يوديني متاهات واوهام
ومره على درب الخطر يحتريني
.

والحلم ما بين البنا والتهدام
شايفه يومي في يده ما يبيني
.

مره يعاتبني على سير الاقدام
ومره يقلل من مزايا يميني
.

رضيت اصافح قسوة الشوك ما دام
جود الضما ويا العنا مدركيني
.

والليل باقي له ترانيم وانغام
لو ما اكتفيته بالهوى مكتفيني
.

سبة خليلن بعثر اوراقي العام
شتت مشاويري وزود حنيني
.

من غاب طيفه كثرت جروح الإبهام
من عظة الحسرة وباقي سنيني

.
كلي اسى ما بين شاري وسوّام
اسى مودعني واسى مشتريني
.

دعيت ربي في تراويح وقيام
دعوة قنوعن راضين باليقيني

.
يالله تجيبه في صواديف الاحلام
ما دام زوله بالملا ما يجيني

.
ابروي ضلوعي رغم كل الآلآم
واضم طيفه واسكنه وسط عيني
.

وآعاتبه في وحدته شوق وهيام
حتى تداعب وجنتينه يديني
.

متشفقن زوله وحبه لي وسام
يخلده صدر الورق في عريني
.

هذا وهو حلمن تردد بالإقدام
وشلون لو هو بالملا يحتويني
.

هذي نهاية دعوتي قبل ما انام
والا الحقيقه فارقتها يديني

.

الموضوع الأصلي: قسوة الشوك .. المشاركه | | الكاتب: موسى الصامل | | المصدر: شبكة بني عبس

[كاتب الرشيدي]

موسى الصامل تشرفنا بمشاركتك

مع الزملاء ونتمنى للجميع التوفيق

قصيده جزله

[احمد سبيتان]

صح لسانك ياموسى


جميل وقمه في الجمال

اتمنى لك التوفيق

[سند الداموك]

صح لسسانك وبالتوفيق شاعرنا الراائع

تحياتي

[عنتر زمانه]

موسى الصامل

بورك القلب والحرف لهذا الجمال وهذا الألق الشعري
دام ابداعك

[المحيط الهادي]

موسى الصامل ..

ما أجمل هذا البوح .. شاعرية فذة وإحساس مرهف
وسلاسة جميلة تنساب كالماء العذب في قلوبنا ..

أنت مشروع شاعر كبير قادم للساحة الشعبية
أعتقد ذلك وأراهن عليك بشرط أن تكتب بواقعية
وعاطفة صادقة وتستمر على ذلك وسوف نراك
أسما لامعا في القريب العاجل ..

أتمنى لك التوفيق ..

[عادل الشويلعي!!]

صح لسانك وبيض الله وجهك على هالقصيده

[أمـــير بـكلمتي]

صح لسآنكـ.,’

الله يعطيك العافيه