[نايف العجوني]

بسم الله الرحمن الرحيم
هذي القصيده قالها الشاعر / ثويمر بن هديرس العجوني الرشيدي في مناسبة اجتماع قبيلة العجاونة
من بني رشيد لتحديد غلا المهور الذي تم الاتفاق عليه من جميع افراد القبيله

بـــسم الإلــــه مـــكوّن ادم مــن الــطـين=الـلي خــذل قــوم ابـرهـه مانـصــرهـا
أمـعـاون الأســـلام فــي بــــدر وحـنــين = وغــزوة تـبـوك الــلـي سـمعـتـم خـبـرهـا
أنــه يــلم أشــواركــم قــــولـــو آمــــين = لارياً تــعـــز أجـيـالــنا وتـعـمـرهـا
شــبــابـنا شــبــوا وشـابــوعــلى الـــدين =كــلٍ عــروسـه عــاجـز(ن) عـن مهـرهـا
هــذا يــبــي مــية وهــــذاك تــســعــين =والشــاب كــثــر ألــتـكـلـفـه مـــاقــدرهـا
والــلي تــزوج يـنـثـبر عــشــرة أسـنين =حـتــى يــسـددلــه خــسـائــر خـسـرهـا
وهــذا خـطـا مـاهـو تــوافــق مـع الدين =أمـــور لازم نــنــتـبـه مــن خــطــــرهـا
والــبـيـت فـيـه مـن الـفـتيـات عـشـــرين = وكل(ن) بـــذمــة والـــد ٍ مــحــتكـــرهــا
لازم نــــحــل الـمـشـكــله بــيـنا الـبـــين =وبـعــض الـعـلـوم الـطايـله نخـتصـرهـا
وحــــنا تــرانــا كــلــنا عــقـب عـجـوين =والعـنـصـره نـقـضي عــلى مـن بـذرهـا
وشــبـابـــنـا بــكـبــارهــم مـستعـيـنــين = يــوم الـقـبـيـلـه حـــــددت مـــوتــمـرهـا
ونــتــم تـــراكـــم مـن رجــالٍ مـسـمـين =شـــوفـاتــكــم دايــــم بـعــيد ٍ نــظـرهـا
نــــبــي تـجـمـعـنا يـجـيـله بـــراهـــــين= نــبـدي بــها والــنـاس تـمـشي بــثـرهـا
قـلـتـه وانــا اعـاون مع الــربع وعــيـن =وحــاجـه لـمـصلحة الـجـميع أعــتبـرهـا
الله يـلـم أشـــواركـم قـولــــو أمـــــــين =لارياً تــعــز أجــيــالــنـا وتــعــمـرهــا

الشاعر
ثويمر هديرس العجوني الرشيدي

الموضوع الأصلي: غلا المهور | | الكاتب: نايف العجوني | | المصدر: شبكة بني عبس

[مسندالعويمري]

وهذا خطا ماهو توافق مع الدين أمور لازم ننتبه مـن خطرهـا



بيض الله وجهك على نقل القصيده



وصح السان شاعرها


ثويمر بن هديرس العجوني الرشيدي

[عبدالعزيز الخياري]

وحنا ترانا كلنا عقـب عجويـن=والعنصره نقضي على من بذرها

والله الف نعم بعيال عجوين وصح لسان الشاعر ثويمر بن هديرس وهو شاعر نظم ومحاوره غني التعريف

وله العديد من القصائد الجزله واشكرك نايف على النقل المتميز واسمحلي على تنسيق القصيده لان يوجد فيها بعض الاخطاء الاملائيه

وتقبل تحياتي

[نايف العجوني]

عبدالعزيز الخياري اشكرك على تعديل الاخطاء الاملائيه وبيض الله وجهك;)

[ابواثنين]

قصيده جزله من شاعر جزل
مشكور اخي علي النقل
وياليت باقي فخوذ القبيله يحذون حذو فخذ العجاونه
بادره طيبه تسجل لابناء عجوين