[مبارك الخميلي]

قصيدة جديده متواضعه جدااااااا اتمنى ان تحوز على اعجاب الجميع




دكتور لا تشرح ترى الفكر سرحان +++ سرحان مع خلن ملكني وداده

دكتور خل الشرح واسمع لولهان ++++ ولهان ماخذ بالمحبة شهاده

دكتور ابشرحلك تراك انت فهمان ++++ ابيك تعطيني حلول وافاده

ابي الجواب المختصر منك عجلان ++++ اذن يرتاح الضمير بزياده

وش حيلة اللي فارق الخل شفقان ++++ جور الاهل وسلومهم والقراده

حدوه عني وابتعد خدر الاعيان ++++ ماهو بكيفه غصب عنه ابعاده

وانا اعرفه بالعون مافيه نقصان ++++ وافي ودرب الهجر ماهوب عاده

الوقت دار وعقب الاحسان هجران +++ حكم الظروف اقوى من اية اراده

دكتور جاك الشرح وافي ومليان ++++ وابيك تعطيني حلول وافاده

الموضوع الأصلي: دكتور لا تشرح | | الكاتب: مبارك الخميلي | | المصدر: شبكة بني عبس

[كاتب الرشيدي]

صح لسانك يا مبارك

قصيدة جميله

لاهنت

[مبارك الخميلي]

الاخ كاتب صح بدنك ولاهنت

[مبارك السوارج]

دكتور جاك الشرح وافي ومليان ++++ وابيك تعطيني حلول وافاده

هالله هالله قصيده روعـه .. بيض الله وجهك يا مبارك الخميلي . . شاعر كبير ..

ولا هنت .. على القصيده اللي اسميها الروعـه .. لاهنت تقديري ومودتي اخوك مبارك السوارج

[مبارك الخميلي]

الاخ ابورشيد صح بدنك ولاهنت على مرورك الذي تشرفت به

ودمت بخير وعااااافيه

[حسن الوطري]

مبارك

صح السانك

قصيده رائعه

لك تحياتي

[عبيد دعيع القلادي]

مبارك الخميلي
صح السانك وعتلا شانك

قصيده رايعه من شاعرً متميز

تقبل مروري

[مبارك الخميلي]

الاخ حسن الوطري صح بدنك ولا هنت