[كهل الصباء]

نشوة الثملة

أنت يالشاعر اللي كل مأسمع نباك=أنتشي نشوة الثملة وأفك البكيت
أسعد الله مسائك...أسعد الله مساك=وأسعد الله مساء شعر الهجاء بيت بيت
صابني ليلة البارح مريد سواك=كنه يقسم الأوتار لا من حديت
حد بأسي عليك...وحد شوفي سماك=بنظرةٍ تهتك ستار الدجى لا سريت
لو قريت الطلاسم قبل مأقرى دعاك=ما عليكم قريت...لما عليكم قريت
بإسم ربٍ تسبح له وجيه شبهاك=لا تعالوا عليه...ولا عليه إعتليت
رافع السبع..خافض سبع..عالم خفاك=مجري الدم بأعضائك ولو ما دريت
بإسم ربي على قلبك..وربي علاك=كل ما زاغ قلبك بعد مأنت إهتديت
وكل مأمزج بشمبانيتك فودكاك=معك يعقل مسيحيٍ يُجن إن قريت
ولا قريت الكلام اللي تخطه يداك=أتعلم منه مأعلمك لا صحيت
يا ربيعٍ يسر العين خضرة وطاك=لو فرح من يجيك أنا لخضارك ما جيت
جنتك فانية ويديك شحت بماك=كم لي أرجيك حتى من رجاك إنتهيت
مثل مأسمك سقط عمداً وقلبي نساك=مثل ما كنت أول كاتبه مانشيت
أطلبك تعتق من العقدة لسان فاك=وأوعدك جنة النسيان لو ما نسيت.

يوسف سالم شلاح

.
.
.

فض إشتباك

جيت أبا أرد شعر وثم منك إستحيت=عل وجه الحياء وجهك وعلي إفداك
كنك الغيث وأنا من مطرك إرتويت=رحت عني هناك..ورحت يمك هناك
أنت يومي فديتك شفني من إفتديت=غير ذاك الذي يعلن مبادي هذاك
شعر والشعرفيض أبي أشغله لا فضيت=قلت للشعر لا تنفض بريشك هواك
قال أنا نهر أغسل أسوى ثرى لا جريت=قلت لله درك..لين تلقى جزاك
يحتويني مداك..وهمت معك وسليت=لا نزل مستواي..ولأرتفع مستواك
أعتلي ويتسامى الشعر حتى إستويت=فوق سطحٍ من المريخ وأسبل وحاك
من قميص المعاني ما لبست وكسيت=ألحفتني ردونه..ما لفحني إرداك
يطلع لخنجرك من حدة البأس صيت=كيف تشبك رموز؟ بدون فض إشتباك!
الهجاء شعر..وحروف الهجاء مأبتديت=ليتني قلت لك يا مقيط دونك رشاك
كل ما قمت أنادي..من على الشعر جيت=ما تطوع يجيب الذكر عني سواك
مير عقب العشاء يوم أنت قمت وسريت=كيف حالك يإبن سالم وحال أخوياك؟
لا تّحكم ولد شريا..وتلعب سبيت=كيف عندي منه مية وتفرش سراك؟
إعتبرها عليك مسجلة كمبليت=لا ندور زعلك ولا ندور رضاك.

باجد عبدالرحمن

الموضوع الأصلي: وجه وَ وجه...يوسف بن شلاح و باجد عبدالرحمن | | الكاتب: كهل الصباء | | المصدر: شبكة بني عبس

[سعد بن عادي]

صوت وصدى لـ شاعرين رائعيين

بيض الله وجيهكم وصحت اللسانتكم
مثبته القصائد الى الامر الاخير .
ودمتم كما تحبون

[مسندالعويمري]

كهل الصباء

الله يبض وجهك كبير بشعرك كبير بحضورك

اتمنا نشوف هذا الاسم ونقرا هذا الشعر

لك كل شكر

[بن هادي الرشيدي]

والله عمالقه وتحياتي لك ولهم وللجميع

[فضي البراك]

بإختصار

لقاء العمالقة

[بندر الذيابي]

أهلاً بالجميل دائماً كهل الصباء.

صح الله لسانكم .

أبيات جميله كما عهدناك مبدع.

[البعيد الهادي]

صحت اللسنتكم
على هذه الدرر
كهل الصباء .. كل يووم تعاال
وعطنى إبداعك

[كاتب الرشيدي]

صدى وصوت جزل


ومن شعّار جزلين

الله الله على الإبداع


شكراً لك كهل الصباء