[الغنيم]

قالوا لقيط قلت الله يعينه
الياكبر بتكبر معه همومه
يعيش عقله تفكير و حيره
دمعه ابد مايفارق عيونه
بيدعي على اللي قاطينه
مافكروا بنهايته المجهوله
يبكي والهم بقلبه يشيله
اليا تناسى اكيد يذكرونه
بيسألونه انت من اي ديره
اسمه لاشك بيعرفونه
وبيسألون من اي قبيله
ساعتها اليابكى لاتلومونه
عسى الله يلوم لايمينه
بيتبدل دمعه دم بجفونه
لاشك بيدعي على والدينه
بيصرخ درب الزنا ليش تسلكونه
وش ذنبي خطاكم اشيله
حتى الخطا ماتقدرون تصلحونه
لاتقولوا قتل اللقيط وسيله
حتى وان كان بمهاده تذبحونه
اللقيط لربه يوم القيامه يشتكيله
يوم القيامه الله وش تقولون له
بقلمي شاطئ مهجور
موضوعي هو اللقيط سيرتبط بعدة مواضيع تتعلق بالشباب والبنات هنا اردت وضع هالموضوع /لقيط\
اريدكم تتناقشون بهذا الموضوع عن اي نقطه تتعلق باللقيط فالنقاش بهذا الموضوع يتعلق بعدة مواضيع كثيره واسئله اكثر اترك لكم حرية النقاش لاتحسبون اني قاسيه وقلبي قوي وانا انزل الصوره لاوالله اكذب عليكم ان قلت مابكيت انا ماادري اذا سبق وناقشتوا هالموضوع او لا كنت متردده انزل هالموضوع لاتحسبوني خايفه من الردود بالعكس اتقبل اي رد مهما كان كنت متردده لسبب واحد تدرون ايش السبب خايفه عيون تقرأ هذا الموضوع وتبكي مو اي عيون لا انا اقصد عيون اللقيط لكن بالنهايه قررت انزل هالموضوع عشان يفهم اللقيط انه كلنا حوله ندعيله بقول لهالعيون اذا كنت تجهل من امك وابوك من اختك واخوك من اهلك لاتبكي الله معاك واللي الله معاه ماخسر واللي اهله معاه والله مو معاه اهو الخسران اتمنى موضوعي مايجرح عيون لقيط ويسعدني لو اجد له هنا رد ومشاركه واريد من هالعيون يكتب رساله لشباب والبنات اللي بينهم علاقات محرمه حتى وان كانت هالعلاقه مجرد مكالمات هاتفيه او عن طريق النت
شاكره لكم واتمنى موضوعي يكون جديد وهادفـ الموضوع منقووول للامانه من احد المنتديات

الموضوع الأصلي: اللقيط ومادراك ماااااللقيط | | الكاتب: الغنيم | | المصدر: شبكة بني عبس

[سند الداموك]

ياهلا وغلا أخوي الغنيم ويعطيك العافيه على موضوعك الراائع

واعتقد بأن هذا الموضوع سبق وان تم نقاشه هنا على هذا الرابط وأعتقد بأن من يتحمل ذلك

البنت

http://www.bani-3abs.net/aa/showthread.php?t=72803

[حمود النصافى]

جزاك الله خير واتمنا الناس تعرف شنو خطوره الزنا ان الله ما حرمه عبث يحل لنا الطيبات ويحرم علينا الخبائث شنو موقف الطفل اللى يولد بلا ام يطلع مايشوف امه وابوه يشوف الناس والدنيا كل واحد معا امه وابوه وهو وحيد الدمعه وحيد الحنان وحيد وحيد وحيد لاكن الله معاه والله ياخذ بحقه عسا الله يكفينا ويكفيكم شر الزنا وجزاك الله خير