[مطلق السبيعي]

هذه القصيدة المتواضعة اهديها الى اخي وصديقي / الاجهر عبر موقع قبيلتة على الرغم من رفضة لعرض صور توديعة والقصائد وكل انسان له ظروف والمعذرة الى حصل بالقصيدة قصور واناء ادري واعلم بان بني رشيد بهم شعار ونقاد ولاهو قصور في قبيلتي وابناء قبيلتي
-----------------------------

هو وكاد العلم وإلا .. مو .. وكاد=ماأبي توديع (الأجهر) ماأقربه
آه ياشين بصدري له طراد=لي ثلاث أيام والما ماأشربه
أدري أنه صوب حايل له وتاد=وأدري رايح لديرته ومزهبه
لكن أن البعد يحرمني الوساد=والخبر .. عيا الفكر يستوعبه
شوف عيني يوم فز .. وقال عاد=أسترو .. كل العلوم المتربه
ولوح بكفه ونطحه البراد=فوق جيب ينعش اللي يركبه
والنشاما .. لوحو .. فوق الجداد=يتبعونه من رساوة مصحبه
به نحيب جيوب .. وبه ضرب العتاد=وسط موكب من نظر .. به .. يطربه
الله اللي رافعه فوق العباد=والله اللي من ردا النفس .. أسلبه
كاسب البيضا .. وغيره للسواد=كل ماصكت بوجهي .. أندبه
فيه شر .. وفيه خير .. وبه عناد=وكل ظرف لا بداله .. يلعبه
صيرميٌ يعجبك .. وقت الهداد=يمشي بلازمك .. لو مايعجبه
دون ربعه يسرج ظهور الجياد=أشهد أنه محتزم دون .. أعربه
لو تكبد .. من تواليها بعاد=العلوم مثبته ومحدبه
والتماري بالقبايل له مراد=وكل رجل بلا .. حميا .. أخشبه
(بالثمامه) يوم بيتنا الهجاد=مرتخي محزمه .. لا .. والله .. أكربه
يوم غيره .. عن وجيه العرف حاد=(الرشيدي) مذهبه .. هو .. مذهبه
كل مازادت .. فجوج الخصم .. زاد=يركي الصآلي عليه من أحطبه
جده .. (شويلع) عليه النووور ساد=لو (أبن رشيد) عآقل ماأقربه
من (بني رشيد) حامين البلاد=كم (رشيدي) مات دون المرهبه
يشهد الله غير آزوره بالعيآآآآد=حي راس شوفته تنسي أتعبه

وسلامتكم جميع

الموضوع الأصلي: التماري بالقبائل له مراد ( يالاجهر ) | | الكاتب: مطلق السبيعي | | المصدر: شبكة بني عبس

[أمـــير بـكلمتي]

الله يبيض وجهك مطلق هذه الابيات لرجل
يستحق التقدير الاجهر
صح لسانك

[سالم الرشيدي]

اولاً
حيأك الله وابــرك السأع ــأت
تواج ـدك بينا
((بشبكة بني عبس))
قلعة الم ـجد والتأريخ
وياهلا ومرحبأ
و
صح الســانك واع ـتلا شأنك
جـزله واافيه
والاج ـهر ابو سعود يستاهل كل خــير
وتحيأتي لك

[سعد عبدالله]

مطلق السبيعي
صح السانكـ
قصيده تحمل اسم يفرض احترامه وهيبته على الجميع
الأجهر رجل جمايله اكرمت الجميع
ابوسعود راح او جاء لن يكون الا بقلوبنآآآآ

أنــــتـــــه بــــحـــــر مــايــاصــلـــك كـــــــــل غـــــطّـــــاس
وأفـــعـــالـــك تـــــصـــــدّر لـــلأجـــيــــال تـــصـــديــــر
لــــــو حـــاتـــم الــطــائــي يـــجـــي يــــــوم عـــسّـــاس
يـــمـــكــــن يــــــــــروح يـــعـــلّــــم كـــلـــيــــب والـــــزيــــــر
إنــــــه لـــقـــى هــالــلــي جـمـعــهــن بـــــــلا قـــيــــاس
كــرم/شــجــاعــه/مــرجــلـــه/هـــيـــبـــة أمــــــــــــيـــــــــــــر
وســـــــــلام مــــنـــــي كـــــــــل مــــاهـــــب نـــســـنـــاس
ومـــــــــا اقـــــــــول غــــيـــــر الله يــــذكـــــرك بــالــخـــيـــر

مطلق لاهنت ياوافي

[ناصر الرشيدي]

صح لسانك ياوافي

يوم غيرة عن وجيه العرف حاد = الرشيدي مذهبه هو مذهبه

وابو سعود من الرجال الذين يفخر الرجل بمعرفتهم

اسأل الله التوفيق للجميع


.

[فضي البراك]

مطلق السبيعي

اولا يامرحبا .. فيك بين اخوانك

ثانيا ياكثر مامر اسمك مردوف بكلمة (والنعم) من الأجهر

ثالثا الكلام يطول لو اكتب عن خيالة الغلبا ومليون نعم ماتكفي

رابعا الأجهر يستاهل اشهد بالله ماني متخيل اجي الرياض ولا اشوفه

خامسا اعذرني على التقصير والا الخاطر لك فيه شئ كثير

[طلال محمد ناهس]

صح لسانك ياوافي


وابو سعود من الرجال الذين يفخر الرجل بمعرفتهم والله الف نعم

اسأل الله التوفيق للجميع

[ولد الشرقية]

مطلق السبيعي
صح لسانك وحياك ربي
وابو سعود يستاهل كل خير جعل ربي يوفقه في حله وترحاله .