[ذبحني غروركـ]

رجع بي طاري الذكرى على ذيك العيون السود
وأنا اللي قلت ماعاد الهوى يطري على بالي
تناسيتك وشفت الشوق في قلبي عليك يـزود
اثرني مانسيتك بـس مـن همـي يورالـي
غديت وطاري الذكرى سواة الملح والبـارود
ليامنه قرب لي ثار شوقـي وانقلـب حالـي
تجي وتروح لكن في ضميري باقي موجـود
على حد السراب اللي زما طيفـك تروالـي
تمر الثانيه في حسبه الساعه على الموعـود
اجل ربي يعينك لاغدى راع الوعـد غالـي
سهيت ولا وعيت الاوقلبي للغلـى مشـدود
تنبهـت وبغيـت الحـق عليـه ولا تهيالـي
وانا اللي خابر كل العلوم ونقصهـا والـزود
أضيع في موازين الحكـي لا شفتـك قبالـي
اسامح وادري اني بالجفا مبطي وانا المقصود
وانا اللي لو من اولها جفيتك يمكن اشوالـي
على هونك توقا ماهي بكيفـك نعيـم العـود
تحاسبني وانا اللي راحت ايامي على الخالي
حرام تضيع من عمري ليالي مالهـا مـردود
تعابيـر الشماتـه شفتهـا بوجيـه عـذالـي
انا ماني بعاجز لو بجازيك الصدود صـدود
يضيق المنزل بغيـري ولا غيـرت منزالـي
كريم النفس حتى بالمشاعر لاعطـاك يجـود
على كثر العطايـا مانشدتـك ويـش يبقالـي
تمهل واعرف اللي راح لا يمكن عليك يعـود
خذاه الوقت لاتستنقض المبطي مـع التالـي
ابقطعها حبالك لو بها حبـل الرجـا معقـود
وابلقا عن مقيلك بالسعه لـي فـي وظلالـي

الموضوع الأصلي: رجع بي طاري الذكرى على ذيك العيون السود..وأنا اللي قلت ماعاد الهوى يطري على بالي | | الكاتب: ذبحني غروركـ | | المصدر: شبكة بني عبس

[ابو حمد ابن عايضه]

ذبحنى غرورك /فعلأ دائما متميزه وختيارك له مكانه ..

تناسيتك وشفت الشوق في قلبي عليك يـزود

اثرني مانسيتك بـس مـن همـي يورالـي

[اخو جوزاء]

ذبحني غرورك
صح السانك

[ساهر القمرا]

ذبحني غرورك
قصيده في قمة الروعه
وطرح راقي ومميز
تحياتي لك

[ذبحني غروركـ]

الله يسع‘ـــدكم ياارب نورتوا

[مرزوق العجوني]

صح لساااان شاعرها ولا هنت على النقل

[(الفارس)]

صح السان شاعرها وتسلم يمينك اخوي على الطرح

تحــــياتي لكـ

[ابومشعل البركي]

صح لســـــان شـــــاعــــرهـــــــا