[ذبحني غروركـ]

لاتنشغل فيني أنابحالي ادرى
قلبٍ تعلّق فيك ينسى مع الوقت

اكثرمن اللي صارلي ويش يجرى
بين الرجا والياس شفني تعلّقت

مثلي ولوشفته عن همومه ازرى
ماقال ليتك في جروحه ترافقت

هاك القصايد لاتضايقت واقرى
شف وشكثرفيها لبسماتك اشتقت

أثرالوفا ينباع عندك ويشرى
ماكنت اصدق فيك واليوم صدّقت

يامشتهي فرقا المواليف حذرى
تبعد وأنا من سكرة الحب مافقت

لاطافت الفرصه تحريت الاخرى
وتروح ماكني عليها تشوقت

ساري لو إن الليل مافيه قمرى
اشيل من حمل الهوى فوق ماطقت

لاصارحظ أقشروالايام قشرى
مافيه احد عاقل يلومك إلياضقت

صحيح بعض الناس فرقاه بشرى
وبعض البشرلاغاب ليله تضايقت

ليتك خذيت بليل الاحباب مسرى
غربت من كثر الطواري وشرّقت

السيل يبقاله على القاع مجرى
ويبقالك التذكارلوكنت فارقت

اشوف لك من وين مارحت ذكرى
ولاشفتها صديت عنها ودنقت

ماكل جرحٍ لاخذا أيام يبرى
بعض الجروح يزيد شره مع الوقت

الموضوع الأصلي: اشوف لك من وين مارحت ذكرى ..ولاشفتها صديت عنها ودنقت | | الكاتب: ذبحني غروركـ | | المصدر: شبكة بني عبس

[سلمان الزبني]

ابيات رائعه يعطيك العافية

[مرآهيش]

رآئعة بانتقآءآتكـ

صح لسآن شآعرهآ

وسلمت بيمنآك ع النقل

[ذبحني غروركـ]

الله يسع‘ــدكم نورتوا

[سالم الرشيدي]

مـآُشـُآء الله عليج
عليك ذأئقه شع ـريه
روعه يسلمو
وصح لسـان شأعرها وتسلم يمين ناقلها

[ساهر القمرا]

ذبحني غرورك
يعطيك ألف عافيه على القصيده الرائعه
تحياتي لك يالغالي

[ذبحني غروركـ]

تسلم والله سآآلم الله يسع‘ــدك
سآهر نورت لاع‘ـدمتك