[الدوسري]

المتحيل نحيله حيلـةٍ مالهـا حـلال

.....................إلا من عقدنـا عقـدة مالهـا حلـي

مكنا درينا ولا سمعنـا كـلام يقـال

....................إنترفع من الشين أتركه جعله يولـي

أكثر ما يفسد ناقل الهرج من إلي قال

......................يقول قاله فيـك فـي كبـده الغلـي

نمامة وغيبه سببت بغض بين أجيال

......................كم فرقت مـا بيـن خليـل والخلـي

عسى ناس ما تقدر عمان ولا خـوال

.....................عسى المسكنه فيهم ويبلون بالذلـي

قريبك ماعاد يجيك لو قلـــتله تعال
........................مرضاًَ نزل في الناس ويش السبب قلي
أصبر على المقسوم ويحلها الحـلال

....................نصيبـي طبيبـي لادّور عـلاجٍ لـي

عزيزٍ أعز النفـس مادنسـة بريـال

.....................ومن لا يعز النفـس يبيـت بالذلـي

أعرف مخراجي قبل ما أنوي المدخال

......................وأحسب حساب الهرج من قبل مازلي

ياالله يالي يقعد الحـظ لآمـن مـال

......................أتجيب دعوتي في الليل لاقمتنا أصلي

أرزقنا حلال والقناعات رأس المـال

......................وملا قنـع برضـاك لاترزقـه ملـي

كم قدم الحـلال نـذل وجـاء رجـال

......................ولو كان مايزكي حلالـه ولا يصلـي

كذا هكذا الله حـط قـدر رّاع المـال

......................على ويش تنقد ياأبن الأجواد وتخلي

لون مالي مـال الوليـد بـن طـلال

.....................أنفقته في دروب الخير تكتب أعمال لي

من قبل ماأقوله لنـا قالتـه الأمثـال

......................ماقـل دل وزبـد الهـرج مـا دلـي

وختمانها ذكر النبي في أخرا لمقـال
...................... نبي هدى الأمه على الخيـر بالكلـي

الشاعر الدوسري

الموضوع الأصلي: المتحيل................. | | الكاتب: الدوسري | | المصدر: شبكة بني عبس

[كاتب الرشيدي]

اللهم صلىّ وسلم على محمد

صح اللسانك

وبارك الله فيك

[عبد العزيز]

صح لِسانك وبيض الله وجهك على هذه الابيات الرائعة

[مرآهيش]

عليه أفضل الصلاة والسلآم

بيض الله وجهك ع القصيدة الآكثر من رآئعه التي تحآكي واقعنآ

صح لسآنك

[الحجاج ابن يوسف]

مشكوووووور والله يعطيك الف عافيه

[الدوسري]

كاتب تسلم بارك الله فيك ياغالي

[الدوسري]

عبد العزيز الله يرضى عليك وصح بدنك

[الدوسري]

مراهيش لاهنتي وصح بدنك