[منصور بن صبح]

السلام عليكم ورحمة الله وبركاته

مساء الخير

سالني الشاعر بندر العجرمي عن شعر الغزل

فقلت هذه الابيات وحصلت مساجله

قلت

يافجعتي من كلامن جدد اشواقي=من صاحبن وجهه في مجلسه ليه
ينشد وانا خابرة للطيب سباقي=والنشده الي نشدها جات عفويه
يبحث عن الي كنيته وسط الاعماقي=وماقيل بالحب وعلوم الهواويه
يابندر الحب باقي دامني باقي=وان مت دورة مثل دور الهلاليه
لي صاحبن لاذكرته خاطري ضاقي=مثل مضيق الشجر من مكسر الفيه
تزيحه الشمس لاعادت للشراقي=لين الأشعه تجي فوقه عموديه
ماغيره أشوف من تلعات الاعناقي=ملك شعوري وصارت نيتي نيه
ويومه ملكني ياليته هم بعتاقي=وخلاني اروح لاهاذي ولا ذيه
ملكني بصك شوقي كل مشتاقي=ملك ابو متعب وحكمه للسعوديه
وغلاه محفوظ لوه فضل فراقي=راع الوصوف المليحه والخياليه
ابو جبينن سوات النور شعاقي=لو حال دون القمر غطا على ضيه
وابو خدودً تشادي لول الاعماقي=الي ينقاء من بحورً خليجيه
وله مبسمً لاتبسم يسرق سراقي=اطيب في شوفته لو حالتي سيه
لامن تبسم بعيني ناض براقي=يوضي بنوره وتوضيلي لياليه
ان غاب عني ببعده شانت خلاقي=مغير انشد عنه مع كل طرقيه
وان مر ذكره تجيني خيله سباقي=وتطعني رماح بعده طعنتً حيه
لوهي مميته يجوز ارتاح ونساقي=لاكن مامن طعون الزين ماويه
يرسل سهوم الغلا مع كل تفاقي=ويصيبني وبتدي بحلوم ورديه
هاذي سهوم الغلا الي تلحق لحاقي=ماهي حلوم المهبل والفداويه
الي يذوق الهوى ويعيف ماذاقي=ذوق المصخن لنسناس الشماليه

ورد

قال الذي بعد ماهو بالنباء واقي=حرك هواجيس فكره محتم الهيه
اهلا هلا بالصحيب الوافي الراقي=اللي على الدوم جزلات معانيه
يوم انشدك ماطرالك ويش انا لاقي=ارسوم جرح الهوى ياطيب النيه
منصور عشاق وانا مثل عشاقي=اثر الهوى مارحم لا الذيب واوخيه
الحب ياصاحبي ماجمل الهاقي=كم واحد نجض بقلبه له الكيه
وكم واحد مالحق شفه ولاراقي=يشعب ذلوله بروحاته وبالجيه
وكم واحد وده انه طير خفاقي=من شان يكفخ بجنحانه على غيه
وانا بليت بهوى مبرومة الساقي=غرامها حط وسط القلب ماريه
هي احكمتني حكم صدام لعراقي=قدام غزو النصارى واليهوديه
ومن بعد حكمه غدوا طاعن وزراقي=احد فنا واحد في دار خلاويه
ام العيون النواعس خرس الاحداقي=سلهامها طعن رمح وطعن شبريه
ياويل قلبي عليها وردة الساقي=ان اشهد ان الهوى مافيه ماويه
وجبينها مثل نور الصبح لانساقي=زاح الضلام وفتح للشوف محميه
معزول عن غيرها بسناح ورواقي=اضحك مع الناس وانا علتي فيه
تلعب بقلب بحلمه مابعد فاقي=ياشيب عيني من الحب وبلاويه
في قربها جنة وفي بعدها احراقي=اموت واحيا على ذكره وطاريه
حبل الرجاء في لقاها كانها ادقاقي=ادق من سلك الابره لعنبو حيه
يامودع القلب عندك حرر اوثاقي=قلب خذيته بربك رجع ليه
واعطيك جرح عجز في طبه الراقي=جرح صعيب ولايوجد مداويه
من بعدها رح عساك بالف طقاقي=لوضاق صدر الشمالي والجنوبيه

الموضوع الأصلي: صوت وصدى | | الكاتب: منصور بن صبح | | المصدر: شبكة بني عبس

[نواف المثني]

صح الساااااااااااااااااااااااااااااااااااااااانك شاعر مافيك حيله ومبدع


واعجبني هذا البيت بشده

حبل الرجاء في لقاها كانها ادقاقي

ادق من سلك الابره لعنبـو حيـه

[كاتب الرشيدي]

لي صاحبن لاذكرته خاطري ضاقي

مثل مضيق الشجر من مكسر الفيه

تزيحه الشمس لاعـادت للشراقـي

لين الأشعه تجي فوقـه عموديـه

ماغيره أشوف من تلعات الاعناقي

ملك شعوري وصارت نيتـي نيـه

منصور الله الله على هذه الرائعة قلبك خضر

حبل الرجاء في لقاها كانها ادقاقي

ادق من سلك الابره لعنبـو حيـه

يامودع القلب عندك حرر اوثاقـي

قلـب خذيتـه بربـك رجـع ليـه

واعطيك جرح عجز في طبه الراقي

صدى اروع

جرح صعيـب ولايوجـد مداويـه

[صميدع راس]

صحت السنتكم صوت وصدى ولا اروع

منصور بن صبح @ بندر بن صبح

بيض الله وجيهكم

[منصور بن صبح]

اقتباس من مشاركة نواف المثني صح الساااااااااااااااااااااااااااااااااااااااانك شاعر مافيك حيله ومبدع واعجبني هذا البيت بشده حبل الرجاء في لقاها كانها ادقاقي ادق من سلك الابره لعنبـو حيـه

صح بدنك يانواف المثني وترشفت في مرورك

[منصور بن صبح]

اقتباس من مشاركة كــــاتــــب لي صاحبن لاذكرته خاطري ضاقي مثل مضيق الشجر من مكسر الفيه تزيحه الشمس لاعـادت للشراقـي لين الأشعه تجي فوقـه عموديـه ماغيره أشوف من تلعات الاعناقي ملك شعوري وصارت نيتـي نيـه منصور الله الله على هذه الرائعة قلبك خضر حبل الرجاء في لقاها كانها ادقاقي ادق من سلك الابره لعنبـو حيـه يامودع القلب عندك حرر اوثاقـي قلـب خذيتـه بربـك رجـع ليـه واعطيك جرح عجز في طبه الراقي صدى اروع جرح صعيـب ولايوجـد مداويـه

الناس كلها قلوبها خضر ماهوب انا وبس ههههههههه

مشكور على المرور

[منصور بن صبح]

اقتباس من مشاركة صميدع راس صحت السنتكم صوت وصدى ولا اروع منصور بن صبح @ بندر بن صبح بيض الله وجيهكم

صح بدنك ووجهك ابيض وشكرك على المرور