[يجيني طاريك]

من جديدي هذه القصيده.....
أتمنى أن تنال أعجابكم وأتشرف بردودكم التي هي الهدف الوحيد للوصول الى قلوبكم,,,

لاعدت ياضيفي اللي كل ماجاني

صار المعزب ونار الشوق جمرها

يرتاح لاصار يامرني وينهاني

اوراق بالذاكره لازم يبعثرها

يبداء بالافكار واحيان يتبلاني

احاول اتجاهله واقول شفرها

ماهو بحقي عليك تجمع احزاني

تنام مرتاح وعيوني تسهرها

بعده يجي ضيف لامن حل باوطاني

اركى دلاله على قلبي يبهرها

بين الحنايا تربع مامعه ثاني

جروح قلبي ولاغيره يجبرها

جاني وجيته بحلم ٍ كنت شفقاني

ودي بشوفه ثواني لو تكاثرها

سلم برمش ٍ يغطي سود الاعياني

فيها كسل والهدب يلمس محاجرها

لمحت فيها الوله والشوق ناداني

وكثر السهروالتعب واضح مسامرها

فزيت من بعد نوم ٍ كنت عطشاني

وطلبت ربي عسى حلمي بشايرها

فجأه وطيفه ولاادري وين وداني

والضحكه اللي تفج القلب ماانكرها

أحيان أعيشه غنج ومزوح وأحياني

أتوه في عالمه وأقول ماأكبرها

الله وأكبر عليها كل ماحاني

طاريه... والقلب مابه من يخاشرها

ياليل ..ويني؟ ووينه؟ وين ماكاني

يكفي.. كوابيس وحلوم ٍ تكررها

وسلامتكـــــم

أرجو التنسيق مع التحيه,,,

الموضوع الأصلي: ياليل ..ويني؟ ووينه؟ وين ماكاني=يكفي كوابيس وحلوم ٍ تكررها ,,, جديدي لكــم | | الكاتب: يجيني طاريك | | المصدر: شبكة بني عبس

[بوتفليقه]

يجيني طاريك

بوح جميل صح لسانك

[سلمان الزبني]

ابيات رائعه وجميله يعطيك العافية على الموضوع

[كاتب الرشيدي]

ماهو بحقي عليك تجمع احزاني

تنام مرتاح وعيوني تسهرها

بعده يجي ضيف لامن حل باوطاني

اركى دلاله على قلبي يبهرها

صح اللسانك

شاعر كما عهدناك مبدع

ومعاني مفعمة بأجمل الصور الشعريه

[برق الوسم]

يجيني طاريك
لاجديد ....

ماقلت لك ؟ اني متابع جديدك ..
صح الله السانك يامبدع .. ولاهنت ..

//
تحياتي لك

[ابن الذيب]

مشكور شاعرنا متذووق للكلمات العطره وكاسب درر معانيها من اعماق المحيط الاعذوبه

[ولد حايل]

أحيان أعيشه غنج ومزوح وأحياني

أتوه في عالمه وأقول ماأكبرها

الفهد

لله درك على هذا الابداااع
قصيده جزله بكل معانيها

[(ابوعواض)]

صح الله لسسانك شاعريه فذا