[منصور بن صبح]

جتني وتقصر في خطاها وتختال=كنها تقول الزين عندي لحالي
حوريتن في زينها يرخص المال=ويرخص لها عمري ولو كان غالي
سلمتها مفتاح قلبي والاقفال=يومن صدري عام الاول شمالي
واليوم لو لي حيلتن كان بحتال=لاكن مالي حيلتن دون حالي
حذفتني يازين من عالي الجال=حذفت مقيط ولا حصلي منالي
وان شفتني ماقلتلي كيف الاحوال=قفيت ماتدري عن الي جرالي
توعد ولا توفي ولو كان بوصال=الله عليك شلون تنساء وصالي
الصد والهجران مرفوض ومحال=وانته نسيت الوصل ياهملالي
لاياعيون الي على راس ماطال=ماياقع الا باالخشوم الطوالي
لامن درع باالجول له كف سلال=عذاب للمقفي على الطلع بالي
تسوقني سوق النضاء عقب الامحال=من بعد حف العود والعشب زالي
تعرض المضماه وسط أشهب اللال=يبي عدود البدو والدرب طالي
ياويل حالي منك يالابس الشال=عذبت قلبي ياحسين الدلالي
الله عطاك الزين ووصوفً جلال=والله عطاني ميزة الاحتمالي

الموضوع الأصلي: جتني وتقصر في خطاها وتختال | | الكاتب: منصور بن صبح | | المصدر: شبكة بني عبس

[برق الوسم]

شاعرنا منصور بن صبح
صح الله لسانك ... قصيده رائعه ..
فيها من المفردات الجميله الشيء الكثير..
ننتظر جديدك ... لاهنت ...

[سلمان الزبني]

مشكور على الموضوع

[نواف المثني]

الله عطاك الزين ووصـوفً جـلال

والله عطانـي ميـزة الاحتمـالـي

صح السانك قصيده جزله

[كاتب الرشيدي]

صح اللسانك يابن صبح

شاعر جزل

[منصور بن صبح]

اقتباس من مشاركة برق الوسم شاعرنا منصور بن صبح صح الله لسانك ... قصيده رائعه .. فيها من المفردات الجميله الشيء الكثير.. ننتظر جديدك ... لاهنت ...

صح بدنك وتشرفت في مرورك

[بوتفليقه]

قصيده رائعه

صح لسانك

[منصور بن صبح]

اقتباس من مشاركة سلمان الزبني مشكور على الموضوع

وانت مشكور على المرور