[سند الداموك]

مسااااااااائكم ورد جميعا

في الحقيقه اليوم حصلت معركه شرسه استمرت فصول شراستها مايقارب الساعه

كان بطلها ضب كبير وشايب كبير بالسن المهم سأروي لكم القصه

كانت طالع من حائل لمدينة الشملي وهي تبعد 170 كيلو غرب حائل على طريق

تبوك ! المهم كنت ماشي بالطريق فإذا بسياره متوقفه بجانب الطريق فقلت بنفسي

قد تكون متعطله لعلي اساعد صاحبها بإصلاحها المهم وقفت وسلمت على الشايب

وقلت سلامات ياعم وش بالسياره فقال لاابد الله يسلمك مابها شئ قلت حبيت أتطمن

بس ياعم تبقى شئ مااشي قال ايوالله ياوليدي ابقى منك خدمه قلت آمر ياعم ابشر

بسعدك قال تسلم قلت خير قال لا بس ناظر وراك شوي ناظرت فإذا ضب كبير مره

في لحظه غضب واصل الضغط مع الضب H قال ابقاك تمسكه لي قالت والله لو تقوم

الدنيا علي مامسكته مابقى الا هي ياعم هههههههه وانا في الحقيقه شاهدت الضب

اكثر من مره وهو ميت ولاكن ماشفته وهو حي المهم كان مره معصب الضب وكل

مابقى يحاول يمسكه يضربه الضب ويحاول يعضه بأفمه ! والشايب مصًر على

الامساك به قلت ياعم طيب وش مستفيد من الضب شوف اقرب بقاله وخذلك دجاج

أو لحم طازج افضل ! نظر لي الشايب بنظره حااده وقال والله يالين ماسكت أني

لااقوم عليك بالعجراء هاللحين مابقى الا عيال النيدو والسميلاك والدجاج يرشدوني

هههههههه المهم وانا ابلع اللساني واسكت وضليت أراقب عن كثب مايحدث حتى

أمسك به الشايب !! وسط فرحة عارمه على محيأه ههههه

فقلت ياعم طيب وش فوائد الضب قال ماتفيدك انت متلوث دمك ولحمك من النيدو

والدجاج والمعلبات خخخخخخخ قلت صحيح آآآسف إذا كان ازعجتك ياعم قال

فوائده عن الحمى المالطيه والرماتيزوم ومدري ايش المهم خلى الضب صيدليه عن

كل الامراض ههههههههه قلت الله يجعلك كل يوم تصيد ياعم وماتصاد هههه قال

شكرا المهم حط الضب بكرتون وحافظ عليه مره قلت بأخذ له صوره قال تفضل

واللتقطت هذه الصوره لهذا الكائن الغريب







هااااااااه وش رأيكم يخوف سبحان الله

وفي الختام تقبلوا تحياتي محدثكم من ارض المعركه هههه

الموضوع الأصلي: بعد مطارده استمرت لساعات !! تم القبض على هذا الكائن الغريب | | الكاتب: سند الداموك | | المصدر: شبكة بني عبس

[سلووم]

هههههههههههههه
بس يخسره يسند احسبك
تصيد تمسياح ثريك ماتصيد
هههههههععععععع
ماني قايل ههههههههههههعععععع
والله الو انا موجود الفحط وراءه
ماسك ما سكه وين تروح يضب
هههههههههههه

شكرررررر ع الخبر

[بوتفليقه]

مابقى الا عيال النيدو والسميلاك والدجاج يرشدوني

ههههههههههههههههههههه

[أثير الشوق]

صوره رائعه شكله تحفه هذا ولد الديناصور ....يحليله ...لاتعبت ياسند ويعطيك العافيه على النقل النايس ........

[سعد عبدالله]

<<<يكره الضب
والله يخلي النيدو والمعلبات بلاشي من الضبان

سند عوافي

[البعيد الهادي]

هههههههههههههههههههه
والله صحيح الضب قاافله معه ههههه
بس انتبه من الشيباان والضبااان يااسند هههه ترى هذا وقت الضباان
وكباار السن مايصدقوون لاشافو الضب . ياااهو علاج ياابو نار لكباار السن هههههههههههه
ابو رنا لاهنت على هذا التقرير

[على هونك]

والله الضب قافلة معاه عل اخر

[سند الداموك]

اقتباس من مشاركة ولد شويلع هههههههههههههه بس يخسره يسند احسبك تصيد تمسياح ثريك ماتصيد هههههههععععععع ماني قايل ههههههههههههعععععع والله الو انا موجود الفحط وراءه ماسك ما سكه وين تروح يضب هههههههههههه شكرررررر ع الخبر

ههههههههههه ياهلا بك ولد شويلع أنا اصيد طيور لاكن ضبان لاوالله ماأحب حتى شكله لاكن والله لو انك معااااي ومسكته غير اأخليك مع الشايب خخخخخخخخخخخخخخخخخخ

شكرا لك على المرور