[ولد الجزيرة]

حتيش لوأن (السفر) حق مشروع

المشكله لأهل الهوى حزن وآهات





لاغاب (خلّك) والرجاء فيه مقطوع

مابه (رسايل) تاصلك وأتصالات





الخط مغلق...كنّه(الكرت) منزوع

من ضيقتك تلعن جميع أشتراكات





تضرب على الكفّين والقلب مفجوع

تضيق بك عقبه جميع المساحات





في ليل دامس ضايعٍ مابه شموع

(الفكر) تايه في دروب المتاهات





(العين) تذرف بالدقايق له أدموع

و(القلب) عايش بين حسره وونات





لوّك تجر الصوت ماهوب مسموع

ياطول ما بينك وبينه مسافات





يمكن ظروفه مامشت له على طوع

ويمكن سلا فكره بروحه وجيّات





سايح بدار(الغرب) والأجر مدفوع

يسرح ويمرح بين سجّه ولذات





الجو صافي بين خضره وينبوع

وأنت بسموم(القيض) مابه أجازات





الهم مدهالك من أسبوع لأسبوع

لاحل ذكرى الترف هلّيت عبرات





صار(السفر) كنّه مثل حبّة الكوع..!!‍‍

جمع الحبايب سابع المستحيلات





بس الأكيد أن (الغلا) فيك مزروع

(الحب) يبقى بالضماير ولا مات





الصدق قلته والزعل دوم مرفوع


وقت(السفر) تبدي كثيرالمعانات
ليت (السفر) بين المحبين ممنوع

تحجز(جوازت) المحبين بالذات..!!

الموضوع الأصلي: >>> ‏( 1 2) ياطول ما بينك وبينه مسافات >>> ‏( 1 2) | | الكاتب: ولد الجزيرة | | المصدر: شبكة بني عبس

[سلمان الزبني]

موضوع رعه يعطيك العافية

[ولد الجزيرة]

مشكوووووور والله
يعطيك الف عافيه
علي مرورك الرائع
وهذي مجرد قصيدة
تعبر عني انا والسفر
ليت (السفر) بين المحبين ممنوع

تحجز(جوازت) المحبين بالذات..!!

[الوافي القصيم]

يعطيك العافية يابو رحاب ان شااللة نشوف الاكثر

[العنيدهـ~]

سلمت انآملك على الطرح الرآآقى

.........ودى
واكآليل وردي

[حمود البراهيم]

الصدق قلته والزعل دوم مرفوع


وقت(السفر) تبدي كثيرالمعانات
ليت (السفر) بين المحبين ممنوع

تحجز(جوازت) المحبين بالذات..!!


ابو رحاب لله درك وافي وجزله مشكور على مانطمت
صح اللسانك وبيض الله وجهك

واضحه المعانه دربك خضر

[ولد الجزيرة]

مشكوووووور والله
يعطيك الف عافيه
علي مرورك الرائع
وهذي مجرد قصيدة
تعبر عني انا والسفر ياااا
ابو ماااهر حمووود الف شكر