[ذبحني غروركـ]

لاقلت تكفى .. فز لـي ألـف رجًـال
ذيبٍ و ربعـي كـل ابوهـم .. ذيابـهـ ..!

ادري .. ولكنَـي علـى الحال .. أحتـال
مثـل المُسِـن اللـي تصنًـع شبابـهـ ..!

لا من نشدني صاحبي كيف الاحوال ..؟
عقلـي تبرمـج دايمـآ .. بالإجابـهـ ..!

أبشَرك مبسـوط .. ويسـرًك الحـال
واحاول اخفـي ضيقتـي .. بالذرابـهـ ..!

و انا لهـا.. والمتـن للحمـل شيًـال
والقلب .. غيـر الله مـا احـدٍ يهابـهـ ..!

أضعف.. و امثـَّل قوتي .. زي تمثـال
شامخ .. ولو هالراس بالجد .. مـا بـهـ ..!

إلا.. ضغوط .. و زعزعة فكر .. وآمال
وصراع ما بيـن الفـرح .. والكأآبـهـ ..!

والحين انا.. لياقتي بالصبر .. عـااال
لو كـل مـن حولـي نهشنـي بنابـهـ ..!

ما اقول تكفى .. بس .. لو قلت تنقال
لك.. يا بعـد كـل الاهـل و القرابـهـ ..!

لك يا شعور العز .. و الجاهـ .. و المال
والذوق .. و الفكر النقـي .. و الحبابـهـ ..!

انا اشهد ان ما كـل الازوال ... ازوال
و لوها تشابهـ .. انت مـا لـك مشابِـهـ ..!

إنت الغلا .. وانت السعد .. وانت الآمال
وانت دعاء امـي .. بوقـت استجابـهـ ..!

عقلي .. بنى لك داخـل القلـب منـزال
تسكن و ما احدٍ قبل مشيك .. مشى بـهـ ..!

ملاذ روحي لا بلا الحـال ... زلـزال
و إن ضاق وقتي شفت .. فيك الرحابهـ ..!

بطلبك.. يا عشقي .. و يا رااااحة البال
ارجوك .. من وعد النبـي و الصحابـهـ ..!

انك تغاضى ... لو بدى منـي اهمـال
و عقلي سرح .. في عزلتهـ .. و ابغيابهـ ..!

في عزلتي .. ابحث مخارج .. و مدخال
و احاول اكشف حل .. و انزع نقابهـ ..!

آسرني الهوجـاس والفـال .. مـا زال
اقشر .. و هالهوجاس .. ينهـب نهابـهـ ..!
مشغول في نفسي .. و لانيـب محتـال
والله يجعـل كـل ضيـق ... ابثوابـهـ ..!

مابي أطولها على أياتي حال
هذا اعتذاري قول .. وإبشـر بالافعـال
والله .. لاعوًض خافقك ما عنـا بـهـ ..!

الموضوع الأصلي: ما اقول تكفى .. بس .. لو قلت تنقال..لك.. يا بعـد كـل الاهـل و القرابـهـ ..! | | الكاتب: ذبحني غروركـ | | المصدر: شبكة بني عبس

[سعد محمد]

صح لسان الشاعر ولاهنتي يا أختي على الذوووق


مشكوره . . .

[الكريمه]

صح السان شاعرها ونقلهاااااااااااااااااا
والله يعطيك الف عاافيه

[ذبحني غروركـ]

الله يسعدكم ياااربي على المرور الرآآآئع..
لاع‘ـــدمتكم والله.

[ابو حمد ابن عايضه]

	شهادة حق من غي مقصود بان ماتنقلي من قصائد بمنتهى الروعه الله لايهينك على كل حال تسجيل اعجاب بهذا البيت/ لاقلت تكفى .. فز لـي ألـف رجًـال ذيبٍ و ربعـي كـل ابوهـم .. ذيابـهـ ..!

[ذبحني غروركـ]

ابو آحمد الله يسعدك نورت ..
لاع‘ــدمت وجودك والله

[أمـــير بـكلمتي]

مبدعه بس وربي فاقدينك

[ولد حايل]

اختيار مناسب جدا
رووووعه دائما

تقبلي مروري