[خاتم سليمان]

السلام عليكم ورحمة الله وبركاته ,,,,


كما تعلمون اانني اقدم دروس شعريه لبعض المستشعرين للنهوض بمستواهم الشعري الى السقف الاعلى من الشعر .....


فسوف استضيف في هذا الطاروق شاعر له حجمه ومكانته لكي يجاريني على المعنى المقصود وأشدد على المستشعرين الانتباه والاستنتاج وذلك من اول بيت بالمحاوره حتى اخر بيت .....

يا سلامي وأنا في كل وادي أهيم=وأبو موسى ماينزل غير وادي طوى



ماتت الأرمله ما باقي إلا اليتيم=وش يسوي ياابو موسى لاهب الهوى

الموضوع الأصلي: هنا الشعر لأجل الشعر ..... درس جديد للشعراء ( اقلط ياابو موسى ) | | الكاتب: خاتم سليمان | | المصدر: شبكة بني عبس

[ابو موسى]

مرحبا وانت تبقا في خيالي مقيم \\\\ اول الربع اشوفك حول عد الروا
عشت ياخاتم سليمان والله كريم \\\\ والله اني ثمان اسنين ادور دوا

[بوتفليقه]

صح لسانكم جميعا

[خاتم سليمان]

اقتباس من مشاركة ابو موسى مرحبا وانت تبقا في خيالي مقيم \\\\ اول الربع اشوفك حول عد الروا عشت ياخاتم سليمان والله كريم \\\\ والله اني ثمان اسنين ادور دوا

الله اكبر اسمع اسمع

البقاء بإبن عمي والصديق الحميم=والله الله مايخلق كل خلقه سواااا



العلاج الضروري في يدين الحكيم=وأنت مجنون سرّه عند بنت الهوى

[ابو موسى]

يا سلام
كل ما ذعذع الغربي وهب النسيم \\\\ قالو الناس تنسى والزمان انطوا
الحكيم ان لقاها يبتلش بالغشيم \\\\ والغشيم ان تقدم ما قوا ما قوا

[خاتم سليمان]

اقتباس من مشاركة ابو موسى يا سلام كل ما ذعذع الغربي وهب النسيم \\\\ قالو الناس تنسى والزمان انطوا الحكيم ان لقاها يبتلش بالغشيم \\\\ والغشيم ان تقدم ما قوا ما قوا

الله الله اسمع اسمع

خاطب الناس حسب اعقولها يالفهيم=معظم الناس فيها زود جهل وغوااا



تدري الذيب مايبلش براس البهيم=وأنت ذيب ٍ وأنا ذيب ٍ نجرّ العواااا

[ابو موسى]

البدو ما تبا غير الزمان القديم \\\\ وانت مالك يا كود الراوي اللي روا
عرقها فالثرى والغصن ماهو سليم \\\\ كل ما قلت تكفا قال مالك لوا

[خاتم سليمان]

اقتباس من مشاركة ابو موسى البدو ما تبا غير الزمان القديم \\\\ وانت مالك يا كود الراوي اللي روا عرقها فالثرى والغصن ماهو سليم \\\\ كل ما قلت تكفا قال مالك لوا

الله الله

طق صم الحجر فوق الصفاه الصميم=وإعرف اخر علاج البدو كيّ الكوى



ما يجود البخيل ولا يعفّ اللئيم=ومن سرح بالجهاله بالجهاله ضوى

وصح الله لسااااااااانك ياابو موسى وتشرفت باللعب معاك ولاهنت ع الطاروق الكايف .. والختام مسك عندك انا اللي بادي بالقاف وسلمت


وأرجو ان المستشعرين فهموا الدرس الشعري المقام من اجل الرقي بمستواهم



تصبحوووووووون على خيررررررر



صلاة الفجر لاتنسونهااااا والدواماااااااااااااااات غياااااااااااااااااااااااب


خاتم سليمان