[نواف بن مفضي]

نهلت اعذب حديث(ن)من شفاك وزاد شوقي لك=رويت ولا رويت ومن سقيتـه ودك اضمالـك
وانا اللي من هجير اشواق قلبي ودي اشكيلك=ولكـن مـا تهيألـي حضـور ولا تهيـألـك
احاسيسي تناجت لك ولا ادري كيف اسوي لك=ما دام اشتاق لك واغليك واشقامنك واشقا لك
ضما روحي عليك ومنك والداعي دعاني لك =وتجرعت الرحيل المر فـي بعـدك وترحالـك
اعاني وحشة غيابك ويا طول انتظـاري لـك=اقاسي غربتي وحدي واهوجـس واتحرالـك
متى ترجع حبيبي كل دقة قلـب تومـي لـك=متى تشعل مصابيح الحيـاة بليلـي الحالـك
وجيت ويا هلا حيـاك واشواقـي تغنـي لـك=انا اللي يا حياتي ما ذخرت الفرحـة الا لـك
هلا في صوتك الدافـي وحيـا الله مضاليلـك=هلا بك والغلا اللي يعزف الطاري على بالـك
تعال اسمع حنين الشوق باعماقـي يناديلـك=تعال اطرد شقـا بعـدي وعذالـي وعذالـك
حبيبي خذ مواعيدي وخذ قلبي وخذنـي لـك=وخذ حالي الحالي يا هواي وخذنـي الحالـك
سرابي هاجس الاشعار والهقوات تسري لـك=وكم قال الخفوق ليا دعـاه الشـوق هيالـك
وانا اخشى من يدين البغض تبني لي وتبني لك=لاجل يغتالني بعـدك وبعـدي عنـك يغتالـك
تقاليد(ن)عقيمـة لا تجيـب ولا تـودي لـك=سخافات العقول وما يضـن العالـم الهالـك
حبيبي يا كثر شوقي عليك وكثـر حبـي لـك=متى عيني تشوفك وارتوي وارويك واضمالـك

الموضوع الأصلي: اعذب حديث | | الكاتب: نواف بن مفضي | | المصدر: شبكة بني عبس

[محمد العتـيبي]

ياسلام ياسلام , صح الله لسااانك , قصيدة جزلة ووافية عز الله ,
من اول بيت للبيت الاخير والقصيدة تجرنا معها بجمالها بيت بيت , قوااك الله ويعطيك الف عاافية , والله يرزقك بشوفته , هههه ,

[فضي البراك]

رائع ..

سبك وحبك ..

لله درك ..

[حردان السحلي]

قصيدة من اجمل ماقريت بيض الله وجهك يانواف وصح الله لسانك

[كاتب الرشيدي]

الله الله على هذه الرائعه

لي عوده ان الله كتب

[نواف بن مفضي]

اقتباس من مشاركة محمد العتـيبي ياسلام ياسلام , صح الله لسااانك , قصيدة جزلة ووافية عز الله , من اول بيت للبيت الاخير والقصيدة تجرنا معها بجمالها بيت بيت , قوااك الله ويعطيك الف عاافية , والله يرزقك بشوفته , هههه ,

صح الله بدنك يامحمد وبيض الله وجهك

[سعد محمد]

قصيد ة جزله وجميله ....



شكرآلك على الذوووق الرائع ,,

[بدر بذر الرشيدي]

قصيدة جدا جزله

شاعر متمكن

مشكور