[محمد الراشد]

نسيتني علمنـي شلـون ابنسـاك
.. .. .. .. .. .. .. .. .. .. .. .. .. .. في هالزمن نسيان الاحباب عـادي

وشلون لامرت على البـال ذكـراك
.. .. .. .. .. .. .. .. .. .. .. .. .. .. وطيفك سرق مني لذيـذ الرقـادي

وشلون لا قالوا لي الناس وش جاك
.. .. .. .. .. .. .. .. .. .. .. .. .. .. من كنت في لـذة منامـك تنـادي

وشلون اعيش اللي بقالـي بليـاك
.. .. .. .. .. .. .. .. .. .. .. .. .. .. لا من غدينا كل واحـد.. بــ وادي

لو قلت اداوي جرحي اللي تباطـاك
.. .. .. .. .. .. .. .. .. .. .. .. .. .. ما كل جرح يفيـد فيه...الضمـادي

اعلنت حبك ليـن كـل ٍ .. تمنـاك
.. .. .. .. .. .. .. .. .. .. .. .. .. .. غلطه وغيري من خطاي استفادي

لو .. لي .. مثل قلبـك تمنيت..فرقـاك
.. .. .. .. .. .. .. .. .. .. .. .. .. .. واكيد قبلك بالجفا.. صـرت بـادي

حلـوه عذاريبـك وحلوه..مزايـاك
.. .. .. .. .. .. .. .. .. .. .. .. .. .. حتى بيوم فراقنـا.. كنـت هـادي

كن الليالي ودهـا تكسـب رضـاك
.. .. .. .. .. .. .. .. .. .. .. .. .. .. وآنا يطول مع الليالـي .. جهـادي

في ذمتي.. ما هي غريبة خطايـاك
.. .. .. .. .. .. .. .. .. .. .. .. .. .. مبطي وقلبك لو تنبهـت.. غـادي

سهله على من كان مثلك..وشرواك
.. .. .. .. .. .. .. .. .. .. .. .. .. .. مثل الثياب.. يغيرون .. المبـادي

علمنـي اكره..ذكرياتك..وطريـاك
.. .. .. .. .. .. .. .. .. .. .. .. .. .. وانسى من الليله صدوق الـودادي

ولاني بقايل عقبها ..وين ابالقـاك
.. .. .. .. .. .. .. .. .. .. .. .. .. .. راضي لو ان جروح قلبي .. جدادي

ولا القصايد.. جعلها مـن فدايـاك
.. .. .. .. .. .. .. .. .. .. .. .. .. .. لبستها..مبطي ثيـاب ..الحـدادي

باكر على المخطى يدورن الافـلاك
.. .. .. .. .. .. .. .. .. .. .. .. .. .. ونشوف.. من يصعب عليه البعادي

الموضوع الأصلي: .. اعلنت حبك لين كل" تمناك .... | | الكاتب: محمد الراشد | | المصدر: شبكة بني عبس

[عبدالرحمن الحميدي]

لو قلت اداوي جرحي اللي تباطاك
ماكل جرح يفيد فيه الضمادي
الله الله بيض الله وجهك على النقل

[رعبوبة]

علمنـي اكره..ذكرياتك..وطريـاك
.. .. .. .. .. .. .. .. .. .. .. .. .. .. وانسى من الليله صدوق الـودادي

ذوووووق يآآآمحمـد ,, وربي يعطييكـ العآآفية ع هالقصيــدة الحلوووة

[زهو الايام]

رااائعه
صح السان شاعرها وسلمت يد الناقل

[أسايرها تعاندني]

صح لسانك ومبدع دائماً

[شداد المظيبري]

صح لسانك

عالابيات الرائعه
ننتظر جديدك

[معلا المظيبري]

وشلون لامرت على البـال ذكـراك
.. .. .. .. .. .. .. .. .. .. .. .. .. .. وطيفك سرق مني لذيـذ الرقـادي


وشلون لا قالوا لي الناس وش جاك
.. .. .. .. .. .. .. .. .. .. .. .. .. .. من كنت في لـذة منامـك تنـادي

قمه بالروعه والابداع سجل اعجابي اخي محمد الراشد

[محمد الراشد]

شكرا ع المرور