[صقر ابن عبس]

السلام عليكم ورحمة الله وبركاته
قصيده إهداء لرجل المواقف السيد ملفي صالح الرشيدي
الذي أثرى ومد القبيله بدعمه المشرّف لكل رشيدي على وجه الارض

القصيده

راكب اللي مايهمّه لفة الخط ومزمّه كن دمّه فوق كمّه برق في عرض السحابه
صفر صفر اللون بيجي تقل منسوجً نسيجي اقطم مقفى خليجي شبه ذيب في مغاره
ان جيته من مقفّى كنه جنيه مصفّى وان ولع وان طفًّى ضافي جسمه ثيابه
وان جيته عن خشمه اخذ بالكف قسمه بين بالخد وسمه فيه شي من الأثاره
كنه مساحة جبينه دمع عودً بالمدينه ضايق ونفسه حزينه لاذكر ماضي شبابه
يوم اطالع في اصطبه تقل جمره مشلهبه يطرق الغربي مهبه في طرف راس القراره
والمراتب مخمليه مثل ورد النرجسيه فيه فصله داخليه بينهن شبه وتشابه
والمرايا مستذيره في جنوبه مستديره ثابت خلفه سبيره تقل جندي في خفاره
والمكيف في بروده بين ضلع ابها وسوده ذعذع الشرقي بنوده في شهر واحد حسابه
كن قيره سيف فارس ماعرف غسطس ومارس شايلً همه وضارس غير شي بالغماره
كن طبلونه نقوشن كف حنّا بنت شوشن دخلوها قصر روشن ليلة الزفه حلابه
ان وقف صاحب جلاله من طنخ ميّل عقاله وان مشى الجن ارتكاله بين زيك وبين طاره
حرّك وسمّى بربه سايقه ماونس مطبه قال هذا اسمه ونبّه أسم اله قدر ومهابه
موعده ديوان ملفي طق بابه يوم تلفي قل معي مرسول كلفي فيه ترميزٍ واشاره
انت شيخً فاق جيله بالكرم راعي جميله دعم ربعه له وسيله عبس تفخر في شبابه
اشهد انه شيخ قومه ماتخاذل عن لزومه يوم غيره طاب نومه عز ربعه ثم داره
يستحق لعبس تفخر فيك وانت بعبس تزخر وانت كنز لعبس تذخر لابهً من راس لابه
انت ياملفي بطلها ياولدها شل ثقلها خلها بأعلى جبلها حط بيرقها مناره
انت عز اللي دعاكا وانت عزوة من نصاكا وانت سقم في عداكا وانت ذيب من ذيابه
انت ياهداج تيماء غيث في كف اليتيما انت ابوكف كريما كف بالمده جساره
بالأشاره يابن صالح البحر معروف مالح مير يصبح ماه صالح كان خضيتو شرابه
خض في يمناك ماها واكشف البير وغطاها واعط من يبغى عطاها وانت زيزوم الاماره
الجمل طاح متثني من ظروف الوقت حني مد كفك لاتصني ارحمه لايطيح نابه
وان بغيت تدق رقمه ( كاتب) يعلمك بأسمه طالبك لايضيع رسمه بين ضوح الأستشاره

آمل توصيل القصيده

الموضوع الأصلي: إهداء لرجل المواقف مفلي صالح | | الكاتب: صقر ابن عبس | | المصدر: شبكة بني عبس

[محمد الراشد]

انت شاعر وملفي يستاهل كل خير
بس نسقوا لقصيده نبي نقرا ونستمتع

[فهيد الشويلعي]

صح اللسانك
وابوعباد يستاهل

[صقر ابن عبس]

اقتباس من مشاركة محمد الراشد انت شاعر وملفي يستاهل كل خير بس نسقوا لقصيده نبي نقرا ونستمتع

ماعليك زود يابو مشاري

[صقر ابن عبس]

اقتباس من مشاركة عظـــيم المشاعر صح اللسانك وابوعباد يستاهل

صح ابدانك
وشكرا لمرورك

[(ابوعواض)]

والله ونعم تعطي الرجال حقوقها وافي

ويستاهل والله ملفي بعد راسي

ماقصر جعل ربي يوفقه ويبيض وجه

[صقر ابن عبس]

ارجوا من المشرفين تعديل العنوان من مفلي الى ملفي
وتعديل البيت الرابع الى ( ان جيته عند خشمه

[سعدعايض]

الاخ صقر بني عبس القصيدة جيدة والممدوح يستاهل