[كنق المشاعر]

ياقلب وش بك طموحك صار متخيب
...................................والا بلاك النزيف بسبـت اجراحـي

صبرك على الي تركنا ماهو بطيـب
...............................يلعب مع ناس جعلـه قلـة ارباحـي

هيضني الي يجر الصـوت ويهيـب
...............................كنه يقول المواجـع ليـه ماتباحـي

اوجاعي ابقلب مدري وش به لبيـب
.............................كل ماسمع صوت عاشق جر بنواحي

والله ياشفنـا ماهـو لنـا قـريـب
............................طير الامل طاح سبت كسر لجناحـي

مـن مابغانـا تولعنـابـه حبـيـب
.............................والي بغانا صنعنا عيوبـه وطاحـي

ياعيب قلبـي وياعيبـي ويامشيـب
.........................لحيتـي قبـل حلـي شيبهـا لاحـي

يالله برق السعـد مبطـي ومتغيـب
..........................ويالله طالبك توقف نزف الجراحـي


وللمعلومه والتوضيح
ياعيب قلبـي وياعيبـي ويامشيـب
.........................لحيتـي قبـل حلـي شيبهـا لاحـي
انا مانا بشايب توي شباب والسن 19 سنه بس طلع معي البيت كذا

الموضوع الأصلي: نعود من جديد لكي نفيد ونستفيد | | الكاتب: كنق المشاعر | | المصدر: شبكة بني عبس

[كاتب الرشيدي]

اقتباس من مشاركة كنق المشاعر ياقلب وش بك طموحك صار متخيب ...................................والا بلاك النزيف بسبـت اجراحـي صبرك على الي تركنا ماهو بطيـب ...............................يلعب مع ناس جعلـه قلـة ارباحـي هيضني الي يجر الصـوت ويهيـب ...............................كنه يقول المواجـع ليـه ماتباحـي اوجاعي ابقلب مدري وش به لبيـب .............................كل ماسمع صوت عاشق جر بنواحي والله ياشفنـا ماهـو لنـا قـريـب ............................طير الامل طاح سبت كسر لجناحـي الأجناحي مـن مابغانـا تولعنـابـه حبـيـب .............................والي بغانا صنعنا عيوبـه وطاحـي ياعيب قلبـي وياعيبـي ويامشيـب .........................لحيتـي قبـل حلـي شيبهـا لاحـي لحيتي من قبل حلي شيبها لاحي أو يالحيتي قبل حلي شيبها لاحي يالله برق السعـد مبطـي ومتغيـب ..........................ويالله طالبك توقف نزف الجراحـي لو قلت الأجراحي صح وللمعلومه والتوضيح ياعيب قلبـي وياعيبـي ويامشيـب .........................لحيتـي قبـل حلـي شيبهـا لاحـي انا مانا بشايب توي شباب والسن 19 سنه بس طلع معي البيت كذا

هذا ماتبين لي والله أعلم

وننتظر النقّاد

[محمد2009]

صح الله لسانك يشايب

[سيف المهيمزي]

صح لسانك والى الامام

[عبدالرحمن العويمري]

كنق المشاعر ياخي لحن الابيات واللي يختلف فيه الحن منكسر عدله ولحنه مرة ثانيه

وانت راح تكتب شعر لان فكرك فكر شاعر وبصراحه انت قصيدتك ينقصها اشياء بسيطه

اتمنى لك التوفيق

[كنق المشاعر]

الله لايهينكم جميع ويعطيكم الف عافيه

وبنسبه لملاحضات اخي كاتب مثل كلمة لجراحي ولجناحي والله كانت خطا املائي عندي كنت اشوف اني اكنبها لجراحي يمكن تون اوضح واثرني جبت العيد

واشكركم جميع على مروركم وملاحضاتكم الاكثر من رائعه

اخوكم الشايب هههه كنق المشاعر

[مذكر الرشيدي]

الله يوفقك الى الامام

[الاعلامي]

قصيدة رائعه كل ماذكر الاخوه الكرام عين الصواب ولكن انت كتبت قصيده لايكتبها الا شاعر وانت شاعر جزل وبالتوفيق لك