[نواف بن مفضي]

يا الله يا الله وانت العافي الشافي=ياخالق الوقت ياناصر مظاليمه
عونك على ثقل ضيم الوقت ياكافي=ومدك ولا منة اللي مابهم شيمة
رجاي في خالقي عن واحد(ن)جافي=ماهو بمعطين من تينة ومن ليمة
اصبر وانا كن مابي واجحد الخافي=حتى تبين على الوجه وتقاسيمه
ياكم زمان العوافي حطم سنافي=وياكم تشيخ ردي(ن)في ملاليمة
يازين مد النظر في راس مشرافي=وشوف العشاير وشوف البيت والخيمة
وريح الهوا في فياض(ن)نقعها صافي=عندي يساوي حياة(ن)مالها قيمة
ماكل من يفعل المعروف ينشافي=ياكثر ماضاع عند قليل الشيمة
يا الله يا الله وانت البلسم الشافي=مدك ولا مدة اللي مابهم شيمة

الموضوع الأصلي: البيت والخيمة | | الكاتب: نواف بن مفضي | | المصدر: شبكة بني عبس

[حردان السحلي]

صح لسانك قصيدة تحكي شي من الواقع واعجبني تنقل شاعرها من موضوع الى موضوع آخر انه الاسلوب المعاصر تحياتي لك

[سعد الرشيدي]

يـازيـن مــد الـنـظـر فـــي راس مـشـرافـي وشوف العشاير وشوف البيت والخيمة وريح الهوا في فياض(ن)نقعها صافي عـنــدي يـســاوي حياة(ن)مـالـهـا قـيـمـة مـاكـل مـــن يـفـعـل الـمـعـروف ينـشـافـي يـاكـثـر مـاضــاع عـنــد قـلـيــل الـشـيـمـة

الشاعر المبدع والاخ العزيز نواف مفضي ...

صح اللسانك وبيض الله وجهك على هالجزلة من شاعر محترف ..

والقصيدة تحكي موقف معين وتحتاج لشاعر يفك لغزها .

[نواف بن مفضي]

اقتباس من مشاركة السحلي صح لسانك قصيدة تحكي شي من الواقع واعجبني تنقل شاعرها من موضوع الى موضوع آخر انه الاسلوب المعاصر تحياتي لك

حياك الله وصح الله بدنك

[• طہَإلً انتہَظہَ‘ـٍَ_ـاريَ•]

صح لسااااااااااااااااااااانكــ

[بندر بن صبح]

صح لسانك قصيدة جزلة يابن مفضي وماهو غريب عليك الجزالة

[كاتب الرشيدي]

بيض الله وجهك يابو مفضي

على هذه الجزله

وانت شاعر جزل

[(ابوعواض)]

الله الله ياطيب هالقصيده

صح لسسانك قصيده جزززززله بدون مجامله

تو عرفنا نواف بن مفظي


اللي الامام وفالك الابداع