[alreshedi]

يا زين يالي تشقر القاف بالحي = هاك الجسد والعين تبكي على الحي
من صافح الطيب يبي يقلط الحي = وبعض الأوادم ماتعرف القليبه
ان كان تنشد ياريش العين عني = انا جريح وردو العلم عني
مابه صواب الا اليا رحتو عني = والهم كايد والليالي مصيبه
هذا كلامي واعتبر هرجتي جد = والعلم ثابت والنخل لازم يجد
منساك لو اصبحت في ناضرك جد = شيخن كبير وعجز عنه طبيبه
كان الهواء في حكمكم لعب يا بنت = انا مع الصادق بالعب مابنت
والعشب يخرج تالي الوقت اشبنت = وادرب وعر وكل ريعن دريبه
انت الدلع والغنج والدمع قد سال = وحبر القلم فوق الاورق يا هواء سال
والوادي الممحل ترى هسنه سال = والجرح ابطا والظماير صويبه
خلك على يمناي لا جوك منا = ولاتسمع الهرجه لاقالو منا
انت حبيب الروح فينا ومنا = والعمر فاني والطواري غريبه
بعد الكلام اركب على الجمس ابوشد = وشد القصيد الي على خاطرك شد
والبدو تعرف كل نازل ومن شد = والعلم واضح والسلامه قريبه
هذا المكان اللي على عهدنا عد = وهذي رسومه والدقايق لها عد
والطيب يذكر والمحبه لها عد = عد الجبال النايفات الصعيبه
راح العمر والحزن في خاطري حل = والحل عندي لاكن الفكر له حل
امست عيوني ساهره عقب ما حل = حل الفراق اللي علينا غصيبه
وختامها ليل السعد جاء ولا = والقاف ثابت واخر الشطر ولا
اقولها بين المحبين ولا = اسكت وخليها بقلبي حبيبه

الموضوع الأصلي: عواد العويمري ( شقر القـآف ) | | الكاتب: alreshedi | | المصدر: شبكة بني عبس

[اشرمي]

السلام عليكم

بيض الله وجهك يابو خالد علي القصيده الجزله

وصح السانك

[ابوريماس]

صح اللسانك

[خجل انثى]

يعطيك العافيه

[(ابوعواض)]

ابدعت بالشقر الله يعطيك العافيه وصح لسسانك

[بنت عم ابوها]

يسللمووووووووووووو

[alreshedi]

السلام عليكم

بيض الله وجهك يابو خالد علي القصيده الجزله

وصح السانك

وعليكم السلآم
عليك بياضُ الوجـه ومشكور على مروركً

[alreshedi]

صح اللسانك

صح بـدنكً ومشكور ..