[المر العذب]

سلام الله على نظم القوافي متعبات الطرق=بيوتٍ من عنا فكري عن المشبوه فارقها

بيوتٍ انتخي فيها وتجيني مثل نور البرق=تنور عتمت الدنيا إليمن لاح بارقها

انا ماهمني منهو يبيها تنتخي بالعرق=هذيك ان جت تنخاني اجيها في مزارقها

شعيب ام الحكي سايل وفوقه غيمتينٍ زرق=تخاون هذي و هذي وجتني في تغارقها
كلامٍ سارقٍ بعضه وبعضه تابعٍ للسرق=وش اللي جابها لبابك وبابي كان طارقها

انا لاجيت اميّزها ابلقا الف فرق وفرق=حشى ماهيب من هذي ولاهي حق سارقها

رماحك ماتصيب ان كان منت بضاريٍ لزرق=ولالك طيب في رميه مدام الغير زارقها

تخيّر غير هالماقف قبل لاتنجرف بالغرق=ونارٍ تشتعل حدرك ياليتك انت حارقها

تبي ترقا على ضلعٍ تعجز ولاحصل لك ترق=هذاك العرق من دونه جموعٍ مايفارقها

انا برفعك ياضلعٍ بنيت ولاتجيك الطرق=رفيعٍ مستواك اعلا من الدنيا وطوارقها

انا ماضيع بالعجه واصلي ويمتي للشرق=اعرف الغرب وين الغرب وافهم في مشارقها

انا من لابةٍ يوم الملاقا بالسيوف البرق=تموت بعز مفتخره ولاتنكس بيارقها

ثامر شبيب

الموضوع الأصلي: شعيب ام الحكي | | الكاتب: المر العذب | | المصدر: شبكة بني عبس

[المشعل]

ابياااات جزله من شاعر جزل

صح السانه

ولاهنت المر العذب على الاختيار والذوق الرائع

تحياتي لك

[المميز]

قصيده جميله قمه الجمال
ولاهنت اخوي على النقل الجميل

[سعد محمد]

صح السأنه واعتــلا شانه
شأعر جزل بمعني الكلمه
تسلم المر العذب

[مروان الرشيدي]

صح ألساااان

الشاعر / ثامر شبيب


مبدع
مبدع


المر العذب تسلم يمينك يالأمير

[(( الماســـة ))]

صح لسان الشاعر المتميز بشعره

ثامر شبيب الدقباسي

لا هنت على القصيدة الجميله

[$ اغلى الناس $]

صح الله لساانك وعز الله شاانك

ولاهنت يالغلا
تسلم يمين ناقلها

[أمـ الشوق ـير]

صح السأنه واعتــلا شانه
شأعر جزل بمعني الكلمه
تسلم المر العذب