[مبروك الجابر]

يسرني أن اضع بين ناضريكم هذه المساجلة بين الشاعرين
مبروك خلف الجابر والشاعر بندر بن عماش بن سويلم العنزي
هذا وكلي امل ان تنال رضاكم .

مبداي بسـم اللـي عبـاده ترجـاه=الواحد المعبـود منـش المخايـل
رب السما والارض حنى عبدنـاه=منزل كتـاب فيـه كـل الدلايـل
ومن بعد ذ كره ببدع القاف وبـداه=في بندرالعمـاش واف الخصايـل
يامرحبابه عـد مـزن نثـر مـاه=وعـداد سيـل يدحـم بالمسـايـل
الصيرمي افـرح بشوفـه ولقيـاه=حيثه من الـل يحتمـون الدخايـل
ماهوغريـب مدحنـا لامدحـنـاه=المـدح كلـه فيـك يانسـل وايـل
وفي داركم ماواحد ياصـل حمـاه=يامالطمتو كـل مـن جـاه عايـل
وفعالكـم حنـا ترانـا سمعـنـاه=ماهو مخفى يـوم وقـت الصايـل
ابـن سويلـم باللقـاء لاعدمـنـاه=وانا شهدنه مـن رجـال الفعايـل
رفيقي اللي مـدت الطيـب يمنـاه=واليا عطا يعطي سمـان وجزايـل
والباب مفتـوح ولاعمـره اجفـاه=بيت الكرم والجـود مالـه مثايـل
عـزالله انـه ماتـعـدد سجـايـاه=راع الوفا والطيـب راع الجمايـل
وختامها صلوا عدد مشيـة اخطـاه=وعداد من صلى فـروض ونفايـل
لمحمد اللي بين الـدرب وضـواه=بين طريق الحـق عقـب الجهايـل

رد الأخ الغالي بندر بن سويلم العنزي

خطك يابـو نايـف ترانـا قرينـاه=وانا شهدنـه مـن خيـار المثايـل
حكمة وفطنة بالبيـوت المسـواه=ويضا بيوت بالحقيقـة جـزا يـل
من صاحب يا عل الأنـذال تفـداه=من لابت تعرف بوقـت الصمايـل
جوابـر يـوم اللقـاء والمـثـاراه=يذري ذراهم من سموم القـوا يـل
أهل الكرم وهـل البيـوت المبنـاه=وهل الرمك يوم السنيـن الاوايـل
الحايط اللي ماحـد ياصـل حمـاه=يوم الملاقى وحمـر الـدم سايـل
يشهد لهم حمر الخشيـب المحنـاه=ويشهد لهم روس القلـع بالفعايـل
ويشهد لهم صفـر البكـار المثنـاه=ويشهد لهم فعل مع الناس هـا يـل
مبروك ابن جابر عسى الرب يرعاه=عزي وذخري مسندي نسل وايـل
ياما ويامـا مـدت الطيـب يمنـاه=يعطـي كثيـر ولا يمـد القلايـل
ويا لله عسى سـود المنايـا تعـداه=ويسلم لنـا راع ألوفـا والجمايـل
ومرحوم يا شيخ على الطيب ضراه=من طاعتـه دايـم للمجـاد طايـل
والختم صلوا عد نو(ن) نثـر مـاه=وعداد ما تخضر فيـاض محايـل

هذا ولكم مني كل التقدير

الموضوع الأصلي: مساجلة بين مبروك بن جابر وبندر بن سويلم | | الكاتب: مبروك الجابر | | المصدر: شبكة بني عبس

[سعد الرشيدي]

رمح الشمال بيض الله وجهك

على هالنقل الرائع

وصح اللسان الشعار رديه رائعه ومشرفه

اخوك سعد

[ابواثنين]

ماهـوغـريـب مـدحـنـا لامـدحـنـاه=المـدح كـلـه فـيـك يانـسـل وايــل

صح اللسان الشاعرمبروك خلف الجابر

خـطـك يـابـو نـايـف تـرانـا قريـنـاه=وانــا شهـدنـه مــن خـيـار المثـايـل

ورد اروع للشاعر بندر سويلم العنزي
الف شكر اخوي رمح علي النقل

[النابغه]

صح اللسان الشاعرين
رديه رائعه الف شكر لك اخي
رمح الشمال علي النقل المميز
منتظرين جديدك
تقبل تحياتي

[مبروك الجابر]

اقتباس من مشاركة سعد الرشيدي رمح الشمال بيض الله وجهك على هالنقل الرائع وصح اللسان الشعار رديه رائعه ومشرفه اخوك سعد

الأخ العزيز سعد الرشيدي
واشعك ابيض على هذه الكلمات
المشجعة والداعمة للتفاعل وطرح المزيد
لك فائق احترامي

[مبروك الجابر]

اقتباس من مشاركة ابواثنين ماهـوغـريـب مـدحـنـا لامـدحـنـاه=المـدح كـلـه فـيـك يانـسـل وايــل صح اللسان الشاعرمبروك خلف الجابر خـطـك يـابـو نـايـف تـرانـا قريـنـاه=وانــا شهـدنـه مــن خـيـار المثـايـل ورد اروع للشاعر بندر سويلم العنزي الف شكر اخوي رمح علي النقل

الأخ العزيز ابو ثنين
صح بدنك يالغالي وكل الشكر على المرور الكريم
والإطراء المتميز ...
تقبل احترامي

[سعد بن عادي]

نقل موافق ورائع ., لا هنت لا هنت

دمتم كما تحبون

[مبروك الجابر]

اقتباس من مشاركة النابغه صح اللسان الشاعرين رديه رائعه الف شكر لك اخي رمح الشمال علي النقل المميز منتظرين جديدك تقبل تحياتي

الأخ النابغه

صح بدنك وكل الشكر لك
على هذا المرور الكريم والإطراء المتميز

دكت بكل

ود