[بدر الحشية]

( يسعد صباحك ياوطن )

يسعد صباحك ياوطن كل الأوقات = ويسعد مساء رمز الوطن بأمسياته
اليوم هذا يوم عز ومسرات = يوم الوطن فيه أجتمع من شتاته
اليوم للذكرى علوم وعلامات = مجدٍ يسجل حاضره ذكرياته
فيه أرتفع في عالي الأفق رايات = شعبٍ توحد وانتصر في ثباته
خلّد لذكراه العزيزه حكايات = وسجل له التاريخ بمجلداته
يا أبناء الوطن لاتسمعون الخرافات = من فاسقٍ محدٍ يسوي اسواته
لاتصدقون من الحقود الاشاعات = بعض الحديث يجر في محدثاته
ومن قام يفعل في بلدنا انفجارات = تبت يدينه مايحقق مناته
له ساعةٍ يندم على كل مافات = إما يحاسب حي وإلا ابمماته
قولوا معي لا 0 للحيل والدعايات = ولا 0 للخبيث اللي دفع مغرياته
وقولوا نعم في عزم وأيمان وأثبات = مانسمع الواشي مروج وشاته
الصف واحد والعزايم قويات = عاش الوطن محروس بأربع جهاته
وعاش المليك اللي له الطيب عادات = عبدالله اللي طاب من طيب ذاته
هو فزعة الشعب السعودي بالازمات = هو فرحته هو فزعته هو غناته
دون الوطن مثل الحصون المنيعات = مضفي على الشعب السعودي عباته
ولايهون سلطان الوفاء طيب الذات = سيفٍ على خصمه عطيبه اهواته
وادعو معي بفروض خمس الصلوات = دعوة صدوقٍ قام واخرج زكاته
يغفر لشيخٍ مات والطيب مامات = يبقى وتبقى للوطن بيناته
قاد المسيره مايهاب الصعيبات = يوم أن كلٍ مهتني في مباته
عبدالعزيز اللي على كور عجلات = ضحى بروحه ماتغالا حياته
للحسن حسناته وللسئ سيات = ناره لهبها يشتعل في اعداته
حتى تعالت في سماء نجد الاصوات = في ذكر الاإله الكريم وصفاته
وفي شكر أبو تركي وجمعه للاشتات = شعبٍ طواحين الزمن طاحناته
ويوم اصبحت واحة محبه وخيرات = أذن مؤذنها وأقام للصلاته
والحمد للمعبود رب السموات = اللي حفظ يوسف وحقق براته
نسأله بأسماه الجزال العظيمات = يحفظ وطنا ثم يحفظ ولاته

الشاعر المبدع 00 جمعان الرشيدي

الموضوع الأصلي: يسعد صباحك ياوطن(للمبدع/جمعان خلف) | | الكاتب: بدر الحشية | | المصدر: شبكة بني عبس

[صادق الوعد]

مشكور بدر على نقل القصيده وصح السان الشاعر جمعان

الله يعطيك العافيه على حسن الاختيار

تقبل احترامي

[أنكسارحلم]

صح السانك يابدر وصح السان الشاعر الكبير ابو خليفه

وكل عام وانتم بخير

[ابوصالح]

مشكور بدر على نقل القصيده وصح السان الشاعر جمعان

الله يعطيك العافيه على حسن الاختيار

شكراً لك اخي الكريم

[قيس الملوح]

صح لسانك ياجمعان

وشكرا بدر على النقل

[بندر الذيابي]

صح لسااااااااااااااانك

ونعم الشاعر ونعم الوطن


لاهنت


اخوك


بندر