[فارس العازمي]

السلام عليكم
هذي اخر قصايدي واتمنا ان تنال اعجابكم

قبل شفت هالمركى موقـع عليـه الطير
عليـه أشقـر ٍ يابـدر تعجبـك هـداتـه
وصقاقير واجد يا مساء يا صبـاح الخيـر
وعلوم الرجال إخذ الخبـر والخبـر هاتـه
وهالحين فوقه يابـدر لاب تـوب صغيـر
حسانيـه مـدري والله أعـلـم بسيّـاتـه
ومفروض هو مثل الزقايـر لهـا تحذيـر
خطـر للنظـر والقلـب يلعـب بدقـاتـه
والأعصاب يتلفهـا ويعمـل لهـا تخدير
ويشّوش على التفكيـر فـي كـل حزاتـه
ولا أنته بعارف يا بدر فيه ويـش يصيـر
أنا اللي دخلـت المنتـدى وأدخـل بشاتـه
وعزالله إني عقـب عرفـه مانيـب بخيـر
ومن جربه فـي ذمتـي ضاعـت أوقاتـه
وأنا أهرج عليك أحـس يابـدر بالتقصيـر
علـي الزعـل والضيـق بانـت علاماتـه
دخلته غلـط لا ناقـه أملـك ولاش بعيـر
ولا أملك مساحـه يابـدر فـي مساحاتـه
وحصلت فيه كبـار سـن ولقيـت صغير
وبعضهم تجـرد مـن سلومـه وعاداتـه
إهنيا يجي مرعـوب يدخـل بنـك الزيـر
وبوقت الرخاء يعـرض علينـا بطولاتـه
وإهنيا تصدق لـو يقـال الدجـاج يطيـر
نصـدق وشهـر إبريـل تكثـر وكالاتـه
وإهنيا بشـر تستاهـل الحـب والتقديـر
أدب وإحترام لجملـة النـاس مـن ذاتـه
وباقي العلوم نلـف عنهـا مسـار السيـر
مـا ندخـل بتفسيـر البنـادم ورغبـاتـه
وأنا أول ماجيته كنت شاعر فقـط لاغيـر
ومثـل ماتعـرف الشاعـر يتابـع أبياتـه
وبعدها تماديـت ومشيـت وقربـت البيـر
يقولـون مـاه العـذب تنعشـك لـذاتـه
ومن يوم شفت زوير يمشـي وراه عويـر
عرفـت إن هالمبـدأ تفـشـل نهايـاتـه
وقررت أسجـل مـا بقلبـي لـك بتقريـر
قبـل لاب تـوب الهـم أسكـر ملفـاتـه
وهالحين شفني يا أبيض الوجه أبشري طير
وعقـب رمضـان الصقـر تبـدأ مهماتـه
وناد الجماعـه كلهـم وأبشـروا بالخيـر
مـن البـنّ الأشقـر للبريـق وبيـالاتـه
وعشاكم ولد ناقـه صغيّـر وأبـوه بعيـر
شريتـه مـن اللـي شايليـنـه بدنـاتـه
وسلامتك وضحت إلك ماصـار بالتصويـر
وصاحبـك مهمـا زل تسـمـح لـزلاتـه

الموضوع الأصلي: الطير و الاب توب | | الكاتب: فارس العازمي | | المصدر: شبكة بني عبس

[نواف بن مفضي]

فارس انت شاعر غير عادي صح الله السانك بنتظارجديدك

[كاتب الرشيدي]

وعزالله إني عقـب عرفـه مانيـب بخيـر
ومن جربه فـي ذمتـي ضاعـت أوقاتـه
وأنا أهرج عليك أحـس يابـدر بالتقصيـر
علـي الزعـل والضيـق بانـت علاماتـه
دخلته غلـط لا ناقـه أملـك ولاش بعيـر
ولا أملك مساحـه يابـدر فـي مساحاتـه
وحصلت فيه كبـار سـن ولقيـت صغير
وبعضهم تجـرد مـن سلومـه وعاداتـه
إهنيا يجي مرعـوب يدخـل بنـك الزيـر
وبوقت الرخاء يعـرض علينـا بطولاتـه



بارك الله فيك

يا فارس رائع

وتصويرك ما خلف الكواليس

بالنت رائع

وعساك شريت
الطير

هههه

[برق الوسم]

قصيده جميله ...
صح لسانك ... لاهنت ... يافاارس
تقبل مروري ...