[المرجله مني]

السلام عليكم ورحمة الله وبركاتة

ابي استشاره بسيطه اذا ممكن من اعضاء بني رشيد ( عبس )

انا حافظ بيتين من القصيده هذي وابي من قائل القصيده هذي اذا ممكن واتمنى ان تفيدوني وياليت تعطوني العلم

يامل قلبن حرم شوف الكرنتيله ... من عقب ماهو ربيع القلب طريااه
تحرم على عقباه من تلبس الشيله .... يعلي انسى عيالي يوم ابنسااه

وياليت تعطوني القصيده كامله ومن قائل القصيده هذي

وشاكرلكم يا اعضاء بني رشيد ( عبس )

الموضوع الأصلي: ياليت تفيدوني يا اعضاء بني رشيد ( عبس ) | | الكاتب: المرجله مني | | المصدر: شبكة بني عبس

[نايف ابن عليثه]

عذرا" .. لعدم معرفته

اتمنى يفيدونك الأخوآن ..

وسلآمي بختآمي ..

[سعد عبدالله]

شاعرها هو الشاعر عبيد بن عدس بن نمران الرشيدي

يـــامـــل قــلــبــن حــــــرم شــــــوف الـكـرنـتـيـلــه

مـن عقـب مـاهـو ربـيـع القـلـب طريـاهـا

تـحـرم عـلـى عقبـهـا مــن تلـبـس الشـيـلـه

يــعــلــي انـــســـى عــيــالــي يـــــــوم ابـنــســاهــا

وداعــــتـــــك يــالاســيــمـــر كــــانـــــي مـــريـــتــــه

اسلام وسلم على الـي يطـرب البالـي

خــــــلــــــي نــــــوانــــــي بــــــدربــــــن مــاتــهــقــويــتـــه

طاوع عروج العرب خبزين الاعمالي

مــن طــاوع البـيـض جعـلـه يـنـهـدم بـيـتـه

يـــاعـــل شـــقـــر الـــذوايـــب مــالــهــن تـــالـــي

وهذا ماجددته والقصيده مغناه على ماعتقد

[(ابوعواض)]

شاعرها هو الشاعر عبيد بن عدس بن نمران الرشيدي

والكرنتيله المستشفي اللي في الفروانيه غيرو اسمه


وله القصيده اللي يقول فيها

ياناس خلوه يزعل لا تراضونا ... والله ليبطي وهو ماجا مرسالي



تقبل تحياتي

[المرجله مني]

شاكرلكم وتسلموووووووووووووووون علي الايفاده ولا هنتووووووووووو

[ابوذكرى]

صح السانك وبيض الله وجهكـــ

[مشعل النمران]

السلام عليكم ورحمة الله وبركاته

اخواني اعضاء منتدى عبس

تحيه طيبه وبعد

هذي اول مشاركه لي بالمنتدى...

كنت ابحث في قوقل وبالصدفه قمت بالبحث في قوقل عن قصائد والدي رحمه الله الشاعر عبيد بن عدس النمران

وبالصدفه تبين امامي خطا قد قاما به الاخ مشرف الموقع الاخ مجازف الشويلعي بخصوص نسب قصيدة

يا مل قلبن حرم شوف الكرنتيله......من عقب ماهو لذيذ القلب طرياها

والحقيقه ان هذه القصيده للشاعر كريدي القانوص السبيعي وهي قصيدة رثاء في زوجته حين ما كانت في

مستشفى الكرنتيلا الذي يقع على دوار الامم المتحده واسمه مستشفى الامراض الساريه

ولذلك احسست انه من واجبي ان ارفض اي قصيده تنسب لوالدي رحمه الله وهي لشاعر غيره

واتمنى ان تكون هذه المشاركه قد وضحت الخطا الذي قام به الاخ المشرف دون قصد

تمنياتي لاعضاء المنتدى السداد والتوفيق وللمنتدى الازدهار والمنفعه

اخوكم مشعل عبيد عدس النمران