[شامخ الشامخ]

السلام عليكم ورحمة الله وبركاته


مساء / صباح .. الجميع بـ خير

المملكـة خيـر دار.. ودرة اوطــان
=مهـد الرسـالات.. والبـدر وطلوعـه

صافح قساها معزي.. عالـي الشـان
=ولانت وفاء.. تنحني لأمـره وطوعـه


بخدودهـا.. دمنـا مسـك ٍ وريحـان
=وبقلوبنـا حبهـا.. تثـمـر فـروعـه

فينا الولاء.. مالفـت عينـه بالاثمـان
=وكيد العدو.. ذلته .. لـو حـب كوعـه


نتشارك افراحنـا.. فحـوى وعنـوان
=وبالحزن .. وحدة جسد.. شكله ونوعه

وافراحنا اليوم.. عاد .. بخيـر سلطـان
=وقمنا نغني سوآ .. ليلة رجوعـه


لا باس .. يامـن يرجـح كـل ميـزان=
فنجالـه العفـو.. والرحمـه قدوعـه


دافع مسير الوطن.. فـي كـل ميـدان=داعم نهوضه.. وشهره فـي سبوعـه


نبض القلوب.. اعظمه.. سلطان الانسان=
قلب الوفاء.. تحـوي النـدر ضلوعـه


يسند طموح الوطن.. في شتى الاركـان
=ولراحه الشعب.. حرصه مـن طبوعـه


كم فعل يمناه.. ما ينطـق بـه لسـان
=وكم ينطق.. وباشـر الفعـل بجموعـه


كف العطاء للضعيف.. ونبض الاخـوان=ملاذ طفلـن .. مسـح كفـه دموعـه


كم من عطاه اكتفى.. مشحون حرمـان
=وكم من يتيمن نسف يتمـه.. وروعـه


وكم من كهل.. كان قوته مدة احسـان
=مد اله يمنى.. وبيت .. وسـد جوعـه


وكم من شبابن فقـد بالغربـه اعـوان
=بزيارتـه.. يآخـذ الفرحـه.. قطوعـه

وغنى من بعيـد عاد بخيـر سلطـان
=وقمنا نغني سوآ .. ليلة رجوعـه

وسلامتكم جميعا ً ..
تقديري .. اخوكم ابو نايف

الموضوع الأصلي: الحمد لله .. عاد بـ خير .. سلطان .. | | الكاتب: شامخ الشامخ | | المصدر: شبكة بني عبس

[برق الوسم]

شاعرنا شامخ الشامخ
صح لسانك
قصيده جزله من شاعر جزل
ونحمدالله على سلامة ولي العهد اطال الله بعمره
تقبل خالص الود والتقدير

[ريتال الداموك]

وافراحنا اليوم.. عاد .. بخير سلطـان وقمنا نغنـي سـوآ .. ليلـة رجوعـه لا باس .. يامـن يرجـح كـل ميـزان فنجالـه العفـو.. والرحمـه قـدوعـه

الشامخ شِعراً وحضوراً
شاعر أتابع له دائما هنا وهناكـ
قصيده رائعه جزله ...من شاعر جزل وكُتبت بمن يستحق
الحمدلله على سلامة صاحب السمو ..وصح لسانك ولاهنت

[رشيديه و أفتخر*]

صح لسانك
ودمت مبدع
والحمدلله على سلامة سلطان الخير

[الهنوف]

شاعرنا شامخ

صح لسانك ولاهنت
والحمدالله على سلامة ولي العهد سلطااان

بالتوووفيق
.
.
.

[عايض بن صالح]

صح السانك يابو نايف

وحمداً لله على سلامة سمو ولي العهد الامير سلطان الخير

[ذيبان الرشيدي]

سلمت
وسلم لنا إحسااسك الطيب

تسطير
مبدع ورائع بروعة شاعره

صُحَ بَوحُك

دمت
بخير وعافية

[عبدالله المظهور]

الممدوح شاااامخ
والشاااااعر شاااامخ
والقصيده شاااامخه
والموقع شاااااامخ

تحياتي لكل رجل شااااامخ وللقصيد الشامخ

صح لسانك ويستاهل سمو سيدي .

تقبل تحياتي وتقديري واحترامي