[رشيد]

لا تمل
**********
متعب التركي

يا وسيع البال.. ضيقت الصدور
رحت ما علمتني.. وين أنت ساري
.
في غيابك.. ما لخلق الله حضور
وفي حضورك ما لهم بالبال طاري
.
ليه ما تختال.. يا بدر البدور
والقصايد لك وصيفات.. وجواري
.
لك بنات الفكر.. ربات الخدور
يكشفن لثامهن.. والجرح عاري
.
جعل قلبٍ. ما ملاه الصدق نور
عند وجه الريح.. ما يلقى مزاري
.
التغاضي عجز لا طال القصور
ليه أداري.. وأنت عني ما أنت داري
.
الزمان قصير.. والدنيا تدور
كل يوم يضيق في عيني مداري
.
صاحبي محتاج لك شعر وشعور
واحتياجي شي.. ما كان اختياري
.
من متى الغصن يختار الطيور
من متى والبال يختار الطواري
.
لا تسمي صمتي البارح.. غرور
انكساري خلف هالصمت امتواري
.
في غياب الشمس وش ذنب الزهور
والمطر لاشح وش ذنب الصحاري
.
اللقا لحظات.. والغيبه شهور
تقصر الخطوات ويطول انتظاري
.
لو قريت المنكتب بين السطور
ما كتبت لغلطة العمر.. اعتذاري
.
صمت هالمينا.. مثل صمت القبور
ما رسا مركب.. ولا لاحت صواري

الموضوع الأصلي: لا تمل | | الكاتب: رشيد | | المصدر: شبكة بني عبس

[ذبحني غروركـ]

صح لســــــــــآآآآآآآآآنك
ولسآآآآآآآآآآآآآآن شااعرهااااا
روووعة

[سعد عبدالله]

صح لسانك
ولسان المبدع متعب التركي
سلمت يداك

[نوماس5]

صح لسااااااااااااااانك يسلموو علي النقل الرائع

[رشيد]

شاكر لكم احبتي
مسرور من تواجدكم وتواصلكم
عسى الله يهنيكم
ويسعدكم