[abu eessa]

ابو مشعاب:





سوقها عبر الفضاء دام الضماير حره
الفضاء ما فيه ترحيبه و لا تسليمـه
عالم الذرة تفنن فـي علـوم الـذره
مير عيت تستفيد الناس من تعليمـه




حــبــيــب:




لو وصلت الى الفضاء مرجعك فوق الحره
لا ترحب لين تبني فالفضاء لـك خيمـه
مااستفاد اللي على دربه يقـص الجـره
شدت العالـم وحلـت والعلـوم مقيمـه




ابو مشعاب:




لو بغينا نشترك في الحالية والمره
ينبني بيت الشعر ويبيد ماله قيمه
انتبه للعلم وأنته لا تفـك الصـره
ثم يفرح فوقك اللي مابراسه شيمه




حــبــيــب:




النبات افقت حتونه والسنه محمـره
لاتقول السيل سال وصار عقبه ديمه
صاحبك طول الليالي مايبوح بسـره
يامفـوح دلتـك تبغالهـا تلقيمـه




ابو مشعاب:




ابيض الشارب من الغليون اخذله جره
وانتفخ ذربه وجاك يـدور التجظيمـه
والأمين اللي علـى الأسـرار لله دره
لو بغينا نكرمه يستاهـل التكريمـه



حــبــيــب:




أبيض الشارب بعد مـرك هذيـك المـره
ينتفـخ مثـل الجبـل واحطلـه تلغيمـه
أنـت تبغاهـا تفـوت وجبتهـا مفتـره
مير ليش أغضبك وانت الشيخ راعي ريمه




ابو مشعاب:




نظرته فيكم عسى ربي يكافي شـره
يا الله استر لا تجيكم كارثة هورشيمه
البشر فيهم مرض وكبودهم محتـره
مير اقف دون اللزوم وزين التختيمه



حــبــيــب:




واحدٍ ماضره الله لو بغيـت تضـره
ماقدرت ولاقدر صاحبك ابو تحجيمه
والعلم مرفوع لو البحر يغرق بـره
وأنت تدر أن البهيمه لو تموت بهيمه

الموضوع الأصلي: ابو مشعاب وحبيب العازمي | | الكاتب: abu eessa | | المصدر: شبكة بني عبس