[بيرق سليم]

بسم الله الرحمن الرحيم

السلام عليكم ورحمةالله وبركاته

هذي المصافحه الاولى في منتدى بني عبس واتمنى ان تنال اعجابكم واستحسانكم...

رغم الظروف ورغم كل الصعوبــات= حبك في قلبي مانسيته دقيـــــقــــــــــــه
لاتحسبين الحب في داخلي مـــــات= بعد الفراق اللي سوات الحريقــــــــــــــــه
مسقيه دم القلب والعين ماتــــــــات=اسقيه لين الموت يلمع بريـــــــــقـــــــــــه
عايش على ذكراك رغم الذي فــات= ومالي ترى غيرك لقلبي عشيقـــــــــــــــه
اذكرك لامرت دقايق وســـــاعـــات=واليا ذكرتك يفرج الصدر ضــيقــــــــــــــه
انتي بقربي رغم بعد المســـــافات= طيفك يراودني سراب وحقـــيقــــــــــــــه
الله على ذيك الليال الهنيــــــــــات= اللي بها حبيت أغلى الــــخلـــــــيقــــــه
شعري نظمته فيك من طيب الابـيات= وابحرت لاجلك في البحور العمـــــيقـــــــه
واخذت من ذكرى الليال القديمـــات= قصة غرامٍ للقلــوب الرقيــــــــــــــقــــــه
نظمتها من قلــب مكــبوت ونـــــات= وابيات شـعري من دموعي غريــــقـــــــه

اخوكم/ خالد الحجيري (بيرق سليم)

الموضوع الأصلي: قــــــــصــــــــــــــة غـــــــــــــــــــــــــــرام | | الكاتب: بيرق سليم | | المصدر: شبكة بني عبس

[محمد الهبله]

يا سلام يا سلام

صح لسانك يا بيرق سليم

[برق الوسم]

وعليكم السلام ورحمة الله وبركاته
بيرق سليم
حياك الله وابرك الساعات تواجدك بيننا ..

نظمتها من قلب مكبوت وناات
وابيات شعري من دموعي غريقه

صح لسانك بدايه موفقه ... ننتظر جديدك ... لاهنت
.... تحياتي لك

[محمد بن سعيد]

صـــــح لسان قايل القصيده

[كاتب الرشيدي]

هلا بك بيرق سليم

حياك الله وتشرفنا بأنضمامك


وصح لسانك

[بيرق سليم]

اقتباس من مشاركة محمد الهبله يا سلام يا سلام صح لسانك يا بيرق سليم

صح الله بدنك يامحمد

ولاهنت على المرور...

[بركه الخياري]

صح الله السااانك

لاهنت اخوي

[بيرق سليم]

اقتباس من مشاركة برق الوسم وعليكم السلام ورحمة الله وبركاته بيرق سليم حياك الله وابرك الساعات تواجدك بيننا .. نظمتها من قلب مكبوت وناات وابيات شعري من دموعي غريقه صح لسانك بدايه موفقه ... ننتظر جديدك ... لاهنت .... تحياتي لك

البقا يابرق الوسم

وصح الله بدنك

ولاهنت يالغالي..