[عبدالله معزي]

قال الذي وحد معانيه توحيد= اسم الله احسن مانقوله ونقراه
ومن بعد ذا جندت الافكار تجنيد = واخترت من شرد مهاري مضراه
قبا ليا زاد المدى عزمها يزيد = على ضهرها سبق الخيل اباآداه
وادرك عليه الي على غيرها بعيد = والحق عليها بنت فكرا مخلاه
وأردها واصفح على جمع ويبيد = وانطح عليها جمعا مغير وامحاه
للموت مع جواد شعري مواعيد = اقرن عليها مقدم الخيل بتلاه
الياتساوى عندي الضلع بالبيد = العرف والله لقرن اقصاه بدنا
وركبت فرتا مامشا توه اجديد = لوحات جمرك من تل ابيب منشاه
عليه كن اليوم الاسود غدا عيد = حلال قوما لاحديته على اقصاه
سمعت لبلوف المكينه زغاريد = كنه يقول ابشر وانا كني انخاه
محددا منصاي بالضبط تحديد = ياغير اخو ربحه فلا حيا انصاه
ابن حمد لاقضبن المواريد = والعد كذ ورادته غثبرو ماه
والجم من دونه حيود وحواسيد= فوزان مايقصر عن الجمه ارشاه
حفيد شيخا دون ربعه نبا حيد = فوزان حل المعضله ميتعداه
في مجلسه يازين صف البغاديد =بيض الدلال الي على النار مركاه
وفي مجلسه تلقى الرجال الصناديد= والهيل والبن الحمر تبي تلقاه
والعود الازرق والتحايا تراديد =وكرامة الضيفان كبشا تعشاه
وعقب الشحم يزين شعر القواصيد = وكلن يبين بالتماثيل دعواه
سلم عليه وسند العلم تسنيد = والعلم مايسند على غير ملفاه
قله ترا الموضوع مافيه تمديد = والكايده تعرض على مثل شرواه
الغزو مايصلح بليا بواريد =والسبر مرسلته وعندي مراواه
والله لسدد كل الاهداف تسديد = والرجم مايصعب على الرجل مرقاه
انا بصدري يكفخ الحر ويعيد = حوم العقاب الي عن الجول عداه
وامطر سماي وسيل الحزم والريد = راسي شعيب وموق عيني شغاياه
مدري وش ادور ولادري وش اريد = الياتساوى النور عندي بضلماه
اليا قنصت اقنص بمخلابا يصيد = انا اعرف محاز صيدي ومرماه
هذا الكلام الى عليه التواكيد= لولاه طاروق المثل مابدعناه
ماقل دل وكثره الهرج متفيد =عجل وسو الي تشوف وتوراه

الموضوع الأصلي: قصيدة النخوه الى راعي النخوه | | الكاتب: عبدالله معزي | | المصدر: شبكة بني عبس

[كاتب الرشيدي]

اخوي عبد الله معزي


الله الله

على الرائعة التي فيها من الجزل

وانت شاعر جزل

تقبل مروري

[سعيد عيد الرشيدي]

بيض الله وجهك اخوي عبدالله معزي
على هذه الجزله من شاعر جزل
وفوزان يستاهل
تقبل تحياتي وتقديري

[برق الوسم]

الشاعر عبدالله معزي
صح لسانك قصيده جزله ... لاهنت
وفوزان يستاهل
وتقبل مروري

[عبدالله المظهور]

صوت رائع ياعبدالله معزي
وقصيده راااائعه فيها الكثير من الرموز والمعاني الكثير .

يستاهل الشاعر فوزان ماقلت فيه من مدح
ونحن هنا بانتظار مروره .. لعلنا نجد منه صدى جميل لهذا الصوت .

تقبل تحياتي وتقديري

[عبدالله معزي]

اشكركم جميعا
وصحت ابدانكم
تحيـــــــــــــــــــــــــــــــــــــــــــــــ ـــــــــــاتي

[ابن صقعان]

مشكور اخوي على القصيده الجزله وبالتوفيق انشالله

[ناصر الرشيدي]

ابن معزي

صح لسانك والقصيده وافيه من شاعر وافي واسندتها لوافي

وابو حامد راعي نخوه وفزعه وعلم غانم وشاعر ننتظر رده .