[ابوهلا]

بسم الله الرحمن الرحيم


اخواني اعضاء وزوار منتدانا العزيز


اقدم لكم مجموعه من الابيات النسائيه المشهوره قديما وذلك محاوله مني على الحفاظ

للموروث الشعبي القديم الخاص بشاعرات من المستوى الرفيع

واتمنى ان تحوز على رضاكم

نبداء مع الشاعر الكبيره ((نوره الحوشان))

تقول نوره


ياعين هلي صافي الدمع هليه = واليا انتهى صافيه هاتي سريبه

ياعين شوفي زرع خلك وراعيه = هذي معاويده وهذي قليبه

ان مرني بالسوق مقدر احاكيه = مصيبة ياكبرها من مصيبه

اللي يبينا عيت النفس تبغيه = واللي نبي عيا البخت لا يجيبه


وحقيقه البيت الاخير اصبح مثلا في وقتنا هذا فعلا ان المحبه من الله

فقد تحب شخص هو لا يحبك وقد تكره شخص يحبك

اما على ذكر المحبه شوفو اخواني الشاعره الكبيره ((موضي البرازيه)) والموصافات

اللتي تحب ان تكون في فتى احلامها

تقول موضي


نفسي تمنيني الرجال الشجاعه = ودي بهم مير المناعير صلفين

احب مندس في وسط الجماعه = يرعى غنمهم والبهم والبعارين

ان قلت له سوا العشا قال طاعه = جاب الهواري والقدر والمواعين

وإلاخزرته راح قلبه رعاعه = يقول ياواف الخصر ويش تبغين

لو أضربه بشتدة في كراعه = ماهو بشاكيني ولا الناس دارين


موضي البرازيه تريد رجلا تصيطر عليه كما يقول بعض الاخوه (سكان مرته)

اعتقد ان هناك نساء يخالفون موضي ولكن ..هل هناك فتيات يرغبن بهكذا رجل؟

من يدري قد يكون هناك وبكثره في وقتنا الحاظر من ترغب بمواصفات هذا الرجل

على العموم كانت القصيده كوميديه وخفة دم من المرحومه ((موضي البرازيه))

وهناك خفة دم اخرى من الشاعره الكبيره ((بخوت المريه)) وهي تندب حظها

وتدعو على ابل والدها تعالو لنعرف السبب اللذي جعلها تدعو على ابل والدها

تقول بخوت

عيدوبي فالخلا والفريق معيدين = كل عذرا رقمشت بالخضاب اكفوفها

عود يالمهبول ما ترحم القلب الحزين = جعل ذودك في لقا القوم وانت اتشوفها


أخواني اتمنى انني قد وفقت بهذا الموضوع

ومن لديه ابيات شعريه او قصائد كامله تخص شاعرات من عبق الماضي

يتفضل مشكورا لوضعها هنا

الموضوع الأصلي: بحث في قصائد شاعرات الماضي | | الكاتب: ابوهلا | | المصدر: شبكة بني عبس