[بدرالمحبه]

قصيدة الشاعر الكبير سعدالحريص
اتمنا ان تنال اعجابكم


هذا الكلام جروح واوجاع واشواك
............... كنّي على طول السكوت مغصوبي

ازعلت ذولا..لجل يرضون ذولاك
.............. لا مرضيٍ نفسي ولاهم رضوبي

تعبت اقلب في يديني هداياك
.............. وتعبت اشاور توبتي في ذنوبي

لولا الزمن لولا الليالي ولولاك
.............. ماصار طيبي دوب حبك ودوبي

هب الهوى يمك وبانت خفاياك
.............. ولاعاد لك قلب يميل للهبوبي

اول عيوبك في عيوني مزاياك
.............. واليوم ميزاتي بعينك عيوبي

وكانك تشوح اليوم منا ومناك
.............. والله لا ارجع كل الانظار صوبي

وان قلت انا بنساك ياسرع مانساك
.............. من قبل ينشف عطرك اللي بثوبي

الشمس باكر فيك وإلا بلياك
.............. ماهيب لاموتي ولاهي غروبي

وإذا انقطع درب يجيبني بذكراك
.............. كل الدروب اللي تودي دروبي

الموضوع الأصلي: كل الدروب | | الكاتب: بدرالمحبه | | المصدر: شبكة بني عبس

[ذيبان الرشيدي]

لاهنت
أخوي وعافاك ربي
وصح الساتك والسان شاعرها
هذا
القسم لقصائد الاعضاء
لا للمنقول

نشكر
جمال تسطيرك وروعته

دمت
بخير وعافية

[ليان]

يسلموووووووو عالنقل
تقبل مروري