[ذيبان الرشيدي]

أسعد الله أوقاتكم
بخيره والفرح والسعد والمسره

أما قصيداً .. يطلق الوجه لا قيل = والا عساني .. مانظمت القصيده

أخي
الشاعر العذب
كاتب الرشيدي

لا
إطاله
القصيده تتحدث

هب البراد .. وغرهدت راعبيه = وأفتلت ..جزلات القصيد المجدي
درهمتهن .. مثل البكار الهديه = عوص الركاب .. مجهزات الأشدي
دلت ومدت .. وأسحرت ناظريه = في خايع {ن} .. فيه النفل مجرهدي
ركايب لشيخ {ن} .. خشته البريه = لازيزمت .. بين العرب تستبدي
ميزتها .. من جوبها للثنيه = وأجهزتها .. وقت النهار المصدي
من خافق {ن} .. يفرح بجية خويه = له سجة {ن} .. قرناسها مستعدي
تنصا الذي .. جر اللحن سامريه = وأقبل كما حراً .. كفخ مستهدي
شاعر وجزلاته .. تمقنا نديه = حاولت أقدي .. من هجوسه وأهدي
يبغى يزينها .. ويقلب عليه = بالعون علمه .. ما يسر المودي
ياصاحب {ن}.. سقت البيوت المليه = وأظهرت للشعار .. مدك ومدي
أشرب فناجيل الشعر .. شاذليه = قرطع فناجيل{ن} .. وفت وسط يدي
وأقضب علوم {ن} .. لاتجلت عليه = أحدن يعليها .. والأخر يقدي
ماني بمن ثنى .. هروج {ن} خليه = ولاني بمن تمشي عليه .. وتعدي
الحر يفهم .. والهفيه هفيه = والشعر مداته .. تفك وتشدي
والذيب لامنه .. حدر للوطيه = ماغربله .. ضلع الضنك والتحدي
والملح .. وان شاشت بشوف ابرديه = عن ضافي المخضار .. لا ماتلدي
والعذر .. بين الناس طيب حليه = لامرني .. لا ما يروح متعدي
ومادام غيرك .. ماحظى بالحظيه = وأجتابها .. بالسيف جدك وجدي
قربلي خشيمك .. وصافح يديه = وخل الخيال .. بجزلتك يستمدي

دمت
بخيراً وستراً وعافية

الموضوع الأصلي: قربلي خشيمك ... رداً على الشاعر العذب كاتب ...& | | الكاتب: ذيبان الرشيدي | | المصدر: شبكة بني عبس

[مريض المحبه]

صح السانك

والله يعطيك العاااااافيه
ولك تحيااااااااااتي

[سعد عبدالله]

صح لسانك اخوي ذيبان ولا هنت

[ذيبان الرشيدي]

اقتباس من مشاركة مريض المحبه صح السانك والله يعطيك العاااااافيه ولك تحيااااااااااتي

لاهنت
أخوي الفاضل

اشكر لك
هالمروور الراقي والطيب

دمت
بخير وعافية

[أمـــير بـكلمتي]

هب البـراد .. وغرهـدت راعبيـه

وأفتلت ..جزلات القصيـد المجـدي

درهمتهـن .. مثـل البكـار الهديـه

عوص الركاب .. مجهزات الأشـدي

دلت ومدت .. وأسحـرت ناظريـه

في خايع {ن} .. فيه النفل مجرهـدي

ركايب لشيخ {ن} .. خشته البريـه

لازيزمت .. بيـن العـرب تستبـدي

ميزتهـا .. مـن جوبـهـا للثنـيـه

وأجهزتها .. وقت النهـار المصـدي

من خافق {ن} .. يفرح بجية خويـه

له سجة {ن} .. قرناسها مستعـدي

تنصا الذي .. جر اللحـن سامريـه

وأقبل كما حراً .. كفـخ مستهـدي

شاعـر وجزلاتـه .. تمقنـا نديـه

حاولت أقدي .. من هجوسه وأهدي

يبغـى يزينهـا .. ويقلـب علـيـه

بالعون علمه .. مـا يسـر المـودي

ياصاحب {ن}.. سقت البيوت المليه

وأظهرت للشعار .. مـدك ومـدي

أشرب فناجيـل الشعـر .. شاذليـه

قرطع فناجيل{ن} .. وفت وسط يدي

وأقضب علوم {ن} .. لاتجلت عليـه

أحدن يعليهـا .. والأخـر يقـدي

ماني بمن ثنى .. هـروج {ن} خليـه

ولاني بمن تمشـي عليـه .. وتعـدي

الحـر يفهـم .. والهفيـه هفـيـه

والشعر مداتـه .. تفـك وتشـدي

والذيـب لامنـه .. حـدر للوطيـه

ماغربله .. ضلع الضنك والتحـدي

والملح .. وان شاشت بشوف ابرديـه

عن ضافي المخضـار .. لا ماتلـدي

والعذر .. بين النـاس طيـب حليـه

لامرنـي .. لا مـا يـروح متعـدي

ومادام غيـرك .. ماحظـى بالحظيـه

وأجتابها .. بالسيف جـدك وجـدي

قربلي خشيمـك .. وصافـح يديـه

وخل الخيال .. بجزلتـك يستمـدي

ذيبان ياشيخ انت امير الشعر
تحياتي لكـ
من صميم القلب

[العالم الفلكي]

وعليكم السلام ورحمة الله وبركاته

صح السانك اخوي ذيبان والله يعطيك العافيه ولاتحرمنا جديدك يالغالي

[كاتب الرشيدي]

الله الله كفيت ووفيت يابن العم
والقصيد الجزل مايجي إلا من جزل ولا عليك زود

استمتعت بقراءة هذه الرائعه

شاعر مميز وفذ

تقبل تحياتي

[ابوديما]

صح الله لسانك ياشاعرنا القدير
رائعه من روائع شاعر

دمت بخير