[The monsoon]

تدري وش اللي يتعب البنت يا سعوود ...؟

رجـلٍ يخـون اشواقهـا و المـودّة


إللي إلا احتاج الغـلا صـار نمـرود
وإلـى شبـع ممـا عطـاه إستـرده


البنت ريحانة غـلا... ناعمـة عـود
تبـي لهـا رجـلٍ ورث طيـب جـده


رجلٍ فعولة كلهـا جـود فـي جـود
ما يلتفـت للـي كفوفـه تمـده ...!!


رجـلٍ إلا جتـه الليالـي بمنـقـود
يتكى لهـا مـا بيـح الوقـت سـده


مهوب خبلٍ ما رعـى للهوى عهـود
وادناة مـا عـارض طريقـه يـرده


ولاهوب لاعلة ... ولاهـوب ملهـود
ولا شكوك ... و كـلٍ طـارئٍ يحـده


ما اشين من الرجال لا جـاك ببـرود
وإن قال له ترف القـدم شـي صـده


تبي لهـا بـراق طيـبٍ لـه رعـود
إن اجدبت يمطر علـى ريـف خـده


وإن نادته تكفى لقـت عنـده الفـود
يشيـل عزتهـا علـى قـو زنــده


كفه نفل ... وانفاس صدره لها عـود
وظلالـه الضافـي بيـدهـا تـمـده


البنت خد ... وقد ... ونواظـرٍ سـود
وريحة غلاً ... ياسعد من شـم نـده


البنت إلا ضحكت ثمرهـا لـك ورود
يا سعـد مـن يقطـف نواويـر وردة


واللي يهين البنت ناقص ... ومقـرود
فرس غلا ... ماهـي حمـارة مكـدة

الموضوع الأصلي: تدري وش اللي يتعب البنت ياسعود | | الكاتب: The monsoon | | المصدر: شبكة بني عبس

[ملهمة شآآعر]

قصيـــده واقعيــه ،،
بس للأسف في الآونه الأخيــره قل الرجال اللي يتميزون بالشيمه والشهامه والمروه ،،
يعطيك العافيه ع النقل المميــز ..
دمت بود ،،

[نوماس5]

صح لساااااااااااااانك يسلموو علي النقل الرئع

[الاســد]

مشكوووووور والله يعطيك الف عافيه

[أمـــير بـكلمتي]

واللي يهين البنت ناقص ... ومقـرود
فرس غلا ... ماهـي حمـارة مكـدة



صح لسانك اخوي المراه معروفه بالطيبه والحنه والرقه
وليس ان تاخذها لكي تصبح خادمتأ في بيتك
تحياتي لكـ،